ന്യൂദല്ഹി: സച്ചിന് ടെന്ഡുല്ക്കറുടെ മകന് അര്ജുന് ടെന്ഡുല്ക്കരുടെ പേരിലുള്ള ട്വിറ്റര് അക്കൗണ്ട് കുറച്ചു നാളുകളായി സജീവമാണ്. നിരവധി ഫോളോവേഴ്സും ഈ അക്കൗണ്ടിനുണ്ട്. @jt-tendulkar എന്ന പേരിലാണ് അക്കൗണ്ട്.അടുത്തിടെ സഞ്ജു സാംസണെ ഇന്ത്യന് ടീമില് ഉള്പ്പെടുത്താത്ത സെലക്റ്റര്മാരുടെ നടപടിയില് പ്രതിഷേധിച്ച് അര്ജുന് ട്വീറ്റും ചെയ്തിരുന്നു. ഇതിന് നിരവധി ആള്ക്കാര് റീട്വീറ്റും ചെയ്തു.
എന്നാല്, സെലക്റ്റര്മാരെ പേരെടുത്ത പറഞ്ഞുള്ള ട്വീറ്റ് വിവാദമായതോടെ വിഷയത്തില് അര്ജുന്റെ പിതാവ് ക്രിക്കറ്റ് ഇതിഹാസം സച്ചിന് ടെന്ഡുല്ക്കര് തന്നെ നേരിട്ടു രംഗത്തെത്തിയിരിക്കുകയാണ്. ട്വിറ്ററിലൂടെയാണു സച്ചിന്റെ പ്രതികരണം. എന്റെ മകന് അര്ജുനോ, മകള് സാറയ്ക്കോ ട്വിറ്റര് അക്കൗണ്ടുകള് ഇല്ല. അര്ജുന്റെ പേരില് വ്യക്തികള്ക്കും സ്ഥാപനങ്ങള്ക്കും എതിരേ പ്രചരിക്കുന്ന ട്വീറ്റുകള് വ്യാജമാണ്. ഇക്കാര്യത്തില് ട്വിറ്റര്ഇന്ത്യ അടിയന്തര നടപടി സ്വീകരിക്കണമെന്നും സച്ചിന്.
അതേസമയം, സഞ്ജുവിന് അനുകൂലമായി നിരവധി ട്വീറ്റുകള് വന്നതോടെ അര്ജുന്റെ പേരിലുള്ള വ്യാജ അക്കൗണ്ടിനു പിന്നില് മലയാളിയാണെന്നാണു ട്വിറ്ററിലെ സംസാരം.
