മാങ്ങാട്ടുപറമ്പ്: അറുപത്തിമൂന്നാമത് സംസ്ഥാന സ്കൂള് കായികോത്സവത്തിന്റെ മൂന്നാം ദിനത്തെ മത്സരങ്ങള് അവസാനിക്കുമ്പോള് ഒരു ദിവസത്തെ ഇടവേളയ്ക്കുശേഷം പാലക്കാട് ഒന്നാം സ്ഥാനത്തേക്കുയര്ന്നു. നിലവിലെ ചാമ്പ്യന്മാരായ എറണാകുളം ജില്ല രണ്ടാം സ്ഥാനത്തേക്ക് പിന്തള്ളപ്പെട്ടു.
16 സ്വര്ണവും 18 വെള്ളിയും 11 വെങ്കലവുമടക്കം 153.33 പോയിന്റാണ് പാലക്കാട് നേടിയിട്ടുള്ളത്. 17 സ്വര്ണവും 12 വെള്ളിയും 9 വെങ്കലവുമടക്കം 129.33 പോയിന്റാണ് രണ്ടാമതുള്ള എറണാകുളത്തിനുള്ളത്. 10 സ്വര്ണവും 6 വെള്ളിയും 12 വെങ്കലവുമടക്കം 83.33 പോയിന്റുമായി കോഴിക്കോടാണ് മൂന്നാമത്.
സ്കൂളുകളില് 4 സ്വര്ണവും 9 വെള്ളിയും മൂന്ന് വെങ്കലവുമടക്കം 48.33 പോയിന്റുമായി പാലക്കാട് കുമരംപുത്തൂര് കല്ലടി സ്കൂള് ഒന്നാമത്. അഞ്ച് സ്വര്ണവും 6 വെള്ളിയും അഞ്ച് വെങ്കലവുമടക്കം 46.33 പോയിന്റുമായി കോതമംഗലം മാര്ബേസില് എച്ച്എസ്എസ് തൊട്ടുപിന്നില്. അഞ്ച് സ്വര്ണവും ഒന്നുവീതം വെള്ളിയും വെങ്കലവുമടക്കം 29 പോയിന്റുള്ള പാലക്കാട് ബിഇഎംഎച്ച്എസ്എസ് മൂന്നാമതും നാല് സ്വര്ണവും രണ്ട് വെള്ളിയുമടക്കം 26 പോയിന്റുമായി എറണാകുളം മണീട് ഗവ. എച്ച്എസ് നാലാമതും നില്ക്കുന്നു.
കായികോത്സവത്തിന്റെ മൂന്നാം ദിനമായ ഇന്നലെ അഞ്ച് മീറ്റ് റെക്കോഡുകള് പിറന്നു . സബ് ജൂനിയര് ആണ്കുട്ടികളുടെ 4-100 മീറ്റര് റിലേയില് വയനാട്, പെണ്കുട്ടികളുടെ ഷോട്ട്പുട്ടില് ഹെനിന് എലിസബത്ത്, ജൂനിയര് പെണ്കുട്ടികളുടെ ഹാമര്ത്രോയില് ബ്ലെസി ദേവസ്യ, സീനിയര് പെണ്. ജാവലിന് േത്രായില് തലീത കുമ്മി സുനില്, മൂന്ന് കി.മീറ്റര് നടത്തത്തില് നന്ദന ശിവദാസ് എന്നിവരാണ് റെക്കോഡിന് അവകാശികളായത്.
സീനിയര് പെണ്കുട്ടികളുടെ3 കി.മീ. നടത്തത്തില് 14:35.90 മിനിറ്റില് നടന്നെത്തിയാണ് നന്ദനറെക്കോഡ് സ്ഥാപിച്ചത്. കഴിഞ്ഞ വര്ഷം തിരുവനന്തപുരത്ത് പാലക്കാട് മാത്തൂര് സിഎഫ്ഡിവിഎച്ച്എസ്എസിലെ എ. ദിവ്യ സ്ഥാപിച്ച 14.47.25 മിനിറ്റിന്റെ റെക്കോഡാണ് നന്ദന തിരുത്തിയത്. ജാവലിന് ത്രോയില് 34.94 മീറ്റര് ദൂരത്തേക്ക് എറിഞ്ഞാണ് കോഴിക്കോട് പുല്ലൂരാംപാറ സെന്റ് ജോസഫ് എച്ച്എസ്എസിലെ തലീത കുമ്മി സുനില് റെക്കോഡിന് അവകാശിയായത്. കഴിഞ്ഞ വര്ഷം തിരുവനന്തപുരത്ത് അഞ്ലി. വി.ഡി സ്ഥാപിച്ച 33.07 മീറ്ററിന്റെ റെക്കോഡാണ് തിരുത്തിയത്.
ജൂനിയര് പെണ്കുട്ടികളുടെ ഹാമര്ത്രോയില് 52.38 മീറ്റര് എറിഞ്ഞ എറണാകുളം മാതിരപ്പള്ളിയിലെബ്ലെസി ദേവസ്യ കഴിഞ്ഞ വര്ഷം കൂട്ടുകാരിയായ കെസിയ മറിയം ബെന്നിയുടെ പേരിലുള്ള 50.14 മീറ്ററിന്റെ റെക്കോഡാണ് തന്റെ പേരിലാക്കിയത്.
സബ് ജൂനിയര് പെണ്കുട്ടികളുടെ ഷോട്ട്പുട്ടില് 9.54 മീറ്റര് എറിഞ്ഞ് കോതമംഗലം മാര്ബേസിലിന്റെ ഹെനിന് എലിസബത്ത് റെക്കോഡോടെ സ്വര്ണം നേടിയപ്പോള് പഴങ്കഥയായത് കഴിഞ്ഞ വര്ഷം നിരഞ്ജനകൃഷ്ണ സ്ഥാപിച്ച 9.15 മീറ്ററിന്റെ റെക്കോഡ്. ഇന്നലത്തെ അവസാന റെക്കോഡ് വയനാടാണ് കുറിച്ചത്. 4-100 മീറ്റര് റിലേയില് 47.44 സെക്കന്ഡില് വയനാട് ടീം ഓടിയെത്തിയപ്പോള് പഴങ്കഥയായത് 18 വര്ഷം മുന്പ്തിരുവനന്തപുരം സ്ഥാപിച്ച 47.60 സെക്കന്ഡിന്റെ റെക്കോഡ്.
