തിരുവനന്തപുരം: മാവോയിസ്റ്റ് ബന്ധത്തില് അറസ്റ്റിലായ സിപിഎം പ്രവര്ത്തകരായ യുവാക്കള്ക്കെതിരേ കൂടുതല് തെളിവുകള് പുറത്തുവന്നതോടെ രാജ്യത്തിനു മുന്നില് നാണം കെട്ട് കേരളം. ദേശീയ മാധ്യമങ്ങള് ഉള്പ്പെടെ വിഷയം ചൂടേറിയ ചര്ച്ചയ്ക്കു വിധേയമാക്കുകയാണ്. മിക്ക ദേശീയ മാധ്യമങ്ങളും മാവോയിസ്റ്റ് ജിഹാദികള് എന്നാണ് അറസ്റ്റിലായ സിപിഎം പ്രവര്ത്തകരെ വിശേഷിപ്പിക്കുന്നത്. കശ്മീര് വിഷയത്തില് ഉള്പ്പെടെ അറസ്റ്റിലായ തിരുവണ്ണൂര് സിപിഎം ബ്രാഞ്ച് കമ്മിറ്റി അംഗം അലന് ശുഹൈബ്, പാറമ്മല് ബ്രാഞ്ച് അംഗം താഹ ഫസല് എന്നിവര് സ്വീകരിച്ച ദേശവിരുദ്ധ നിലപാടിനെയാണു ദേശീയ മാധ്യമങ്ങള് വിമര്ശനവിധേയമാക്കുന്നത്. സിപിഎം പോലൊരു പാര്ട്ടി ഇത്തരം ദേശവിരുദ്ധരെ പോറ്റിവളര്ത്തുന്നത് എന്തിനെന്ന് ചോദ്യവും ഉയര്ന്നു. അറസ്റ്റിലായവരുടെ വീടുകളില് നിന്നു പിടിച്ചെടുത്ത ബാനറുകളില് വ്യാപകമായി കശ്മീരിന് സ്വാതന്ത്ര്യം വേണമെന്നും കശ്മീരില് ഇന്ത്യന് ഭരണകൂടം നടത്തുന്ന ഇടപെടലുകളെ വ്യാപകമായി പ്രതിരോധിക്കണമെന്നും ആഹ്വാനം ചെയ്യുന്നുണ്ട്. ഇതു തന്നെയാണ് ദേശീയമാധ്യമങ്ങള് ചര്ച്ചയാക്കുന്നതും. അറസ്റ്റിലായവര് ആദിവാസി സമൂഹത്തില് പ്രവര്ത്തിക്കുന്ന മാവോയിസ്റ്റുകള് അല്ലെന്നും രാജ്യത്തെ തകര്ക്കാന് വിഘടനവാദം അടക്കം വളര്ത്തുന്ന ജിഹാദികാണെന്നും ദേശീയ വാര്ത്താ ചാനലുകള് വിശേഷിപ്പിക്കുന്നു. യുവാക്കള്ക്കിടയില് ജിഹാദി ആശയങ്ങള് വളര്ത്താന് ഐഎസ്, അല്ക്വയ്ദ പോലുള്ള ഭീകരസംഘടനകള് പദ്ധതിയിടുന്നെന്ന രഹസ്യാന്വേഷണ റിപ്പോര്ട്ട് മുന്നിര്ത്തിയാണ് കേരളത്തിലെ അറസ്റ്റിനെ ദേശീയ മാധ്യമങ്ങള് നോക്കിക്കാണുന്നത്.
മാവോയിസത്തെ മുന്നിര്ത്തി ജിഹാദി തീവ്രവാദം വളര്ത്തുന്നവരാണ് അറസ്റ്റിലായതെന്നാണ് ഇവര് റിപ്പോര്ട്ട് ചെയ്യുന്നത്. ഇന്ത്യയിലെ മുസ്ലിം യുവാക്കളില് തീവ്രവാദം വളര്ത്താന് ഐഎസ് പോലുള്ള ഭീകരസംഘടനകള് ശ്രമിക്കുന്നതിന്റെ തെളിവുകള് സഹിതമാണ് ഇന്റലിജന്സ് റിപ്പോര്ട്ട് ചെയ്തത്. ഈ റിപ്പോര്ട്ട് മുന്നിര്ത്തിയാണ് കേരളത്തിലെ അറസ്റ്റിനേയും ദേശീയമാധ്യമങ്ങള് റിപ്പോര്ട്ട് ചെയ്യുന്നത്. അറസ്റ്റിലായ അലന് കശ്മീര് വിഷയത്തില് ദേശവിരുദ്ധമായ നിലപാടാണ് സോഷ്യല് മീഡിയ അടക്കം അലന് സ്വീകരിച്ചെതെന്നും തെളിഞ്ഞിട്ടുണ്ട്.
കശ്മീരില് നിന്ന് ഇന്ത്യ പുറത്തു പോകാന് ആഹ്വാനം ചെയ്യുന്ന ചിത്രവും ഒപ്പം ഓഗസ്റ്റ് 14ന് പാക്കിസ്ഥാന് സ്വാതന്ത്ര്യദിനാശംസ നേര്ന്നുള്ള ചിത്രവും അലന് പോസ്റ്റ് ചെയ്തിട്ടുണ്ട്. ഇതെല്ലാം എന്തുതരം മാവോയിസം ആണെന്നും ദേശീയ മാധ്യമങ്ങള് ചര്ച്ച ചെയ്യുന്നുണ്ട്. ദേശീയ പാര്ട്ടി എന്ന നിലയില് പ്രവര്ത്തിക്കുന്ന ഭരണഘടന അംഗീകരിക്കുന്ന സിപിഎമ്മിനെ പോലൊരു പാര്ട്ടിക്ക് എന്തുകൊണ്ടാണ് ഇത്തരം ദേശവിരുദ്ധരെ മുന്കൂട്ടി കണ്ടെത്താന് സാധിക്കാത്തതെന്നും ദേശീയമാധ്യമങ്ങള് ചോദിക്കുന്നു.
