തിരുവനന്തപുരം : മാവോവാദി വിപ്ലവകാരികളെ നിഷ്ഠൂരമായി കൊലപ്പെടുത്തിയ നടപടിയെ അപലപിക്കുന്നു. ചെങ്കൊടി പിടിച്ച വര്ഗ്ഗ വഞ്ചകനാണ് പിണറായി വിജയനെന്നും മാവോ ഭീകരര്. അട്ടപ്പാടി വെടിവെപ്പുമായി ബന്ധപ്പെട്ട് വയനാട് പ്രസ് ക്ലബിലേക്ക് മാവോവാദികള് അയച്ച പ്രതിഷേധക്കുറിപ്പിലാണ് ഇക്കാര്യം വ്യക്തമാക്കിയിരിക്കുന്നത്.
ചൊവ്വാഴ്ച രാവിലെയാണ് മാവോവാദികളുടെ പ്രതിഷേധക്കുറിപ്പ് തപാല് മാര്ഗം വയനാട് പ്രസ് ക്ലബിലെത്തിയത്. സിപിഐ (മാവോയിസ്റ്റ്) നാടുകാണി ഏരിയ വക്താവ് അജിതയുടെ പേരിലാണ് കുറിപ്പ് ലഭിച്ചത്. മേപ്പാടിയില്നിന്നാണ് കത്ത് പോസ്റ്റ് ചെയ്തിരിക്കുന്നത്.
കരുളായി ഏറ്റുമുട്ടലിന് ശേഷം കൊല്ലപ്പെട്ട മാവോവാദി നേതാവ് അജിതയുടെ പേരിലാണ് സാധാരണ കുറിപ്പുകള് പുറത്തിറക്കാറുള്ളത്. ഇത്തവണയും അജിതയുടെ പേരില് തന്നെയാണ് കുറിപ്പ് ലഭിച്ചിരിക്കുന്നത്.
ജനകീയ മാവോവാദി വിപ്ലവകാരികളെ അതിനിഷ്ഠൂരമായി കൊലപ്പെടുത്തിയ ഭരണകൂടത്തിനെതിരെ ജനങ്ങള് തെരുവിലേക്കിറങ്ങി പ്രതികരിക്കണമെന്നും ആവശ്യപ്പെടുന്നുണ്ട്. വര്ഗ്ഗ വഞ്ചകനായ പിണറായിയെ തിരിച്ചറിയണം. മാവോവാദികളെ കൊലപ്പെടുത്തിയ നടപടിയിലൂടെ പിണറായി വിജയനും കോടിയേരി ബാലകൃഷ്ണനും ഉള്പ്പെടുന്നവര് കപട കമ്യൂണിസ്റ്റുകളാണെന്നും കത്തില് പറയുന്നുണ്ട്.
