മുംബൈ : വിവാഹ വാഗ്ദാനം നല്കി ബീഹാര് സ്വദേശിനിയെ പീഡിപ്പിച്ചെന്ന കേസില് ബിനോയ് കോടിയേരിക്കെതിരേയുള്ള കുറ്റപത്രം രണ്ടാഴ്ച്ചയ്കം സമര്പ്പിക്കും. ഡിന്ഡോഷി സെഷന്സ് കോടതിയിലാണ് കുറ്റപത്രം സമര്പ്പിക്കുന്നത്.
യുവതിയുടെ പരാതിയില് മുംബൈ ഒഷിവാര പോലീസാണ് യുവതിക്കെതിരെ കേസ് ഫയല് ചെയ്തിരിക്കുന്നത്. ഡിഎന്എ പരിശോധനാ ഫലത്തിന്റെ സൂചനകള് പോലീസിന് ലഭിച്ചിട്ടുണ്ട്. ഈ സാഹചര്യത്തിലാണ് കുറ്റപത്രം സമര്പ്പിക്കാന് ഒരുങ്ങുന്നത്. അതേസമയം കേസില് ഡിഎന്എ പരിശോധനാ ഫലം ബിനോയ് കോടിയേരിക്ക് എതിരാണെന്ന് സൂചന ലഭിച്ചതായി റിപ്പോര്ട്ടുകള് പുറത്തുവരുന്നുണ്ട്.
സീല് ചെയ്ത പരിശോധന ഫലം കോടതിയില് സമര്പ്പിക്കണമെന്നാണ് ഉത്തരവ്. ഈ രേഖ ബിനോയിക്ക് എതിരാകാനാണ് സാധ്യത. അതുകൊണ്ടാണ് കുറ്റപത്രം നല്കുന്ന നടപടിയിലേക്ക് പോലീസ് കടക്കുന്നതെന്നാണ് മുംബൈയില് നിന്ന് ലഭിക്കുന്ന സൂചനകള്. പരാതിക്കാരിയുടെ എട്ട് വയസ്സുകാരനായ മകന്റെ പിതൃത്വം പരിശോധിക്കാനായിരുന്നു ഇത്. മകന്റെ പിതാവ് ബിനോയിയാണെന്ന് യുവതി അവകാശപ്പെടുകയും ഡിഎന്എ പരിശോധന ആവശ്യപ്പെടുകയും ചെയ്തിരുന്നു. കുട്ടിയുടെ അച്ഛന് ബിനോയി ആണെന്നാണ് ആരോപണം. ഇത് തെളിയിക്കുന്നതിനായാണ് ഡിഎന്എ പരിശോധന നടത്തുന്നത്.
അതേസമയം ഡിഎന്എ പരിശോധനയില് ബിനോയ്ക്കെതിരെ റിപ്പോര്ട്ട് വന്നാല് മാത്രമേ കുറ്റപത്രം നല്കാന് കഴിയൂ. ഈ സാഹചര്യത്തിലാണ് ഡിഎന്എ ഫലം ബിനീഷിന് എതിരാണെന്ന സൂചനകള് പുറത്തുവരുന്നത്. ബിനോയ് കോടിയേരി വിഷയം സിപഎമ്മില് വന് വിവാദമാണ് ഉണ്ടാക്കിയത്. പരിശോധനാ ഫലം പുറത്തുവരുന്ന സാഹചര്യത്തില് ഇത് വീണ്ടും സജീവമാകാനാണ് സാധ്യത.
അതിനിടെ യുവതിയുടെ പീഡനാരോപണത്തില് രജിസ്റ്റര് ചെയ്ത എഫ്ഐആര് റദ്ദാക്കണമെന്നാവശ്യപ്പെട്ട് ബിനോയ് നല്കിയ ഹര്ജി പരിഗണിക്കുന്നത് ബോംബെ ഹൈക്കോടതി രണ്ട് വര്ഷത്തേയ്ക്ക് മാറ്റിവെച്ചു. കേസ് പരിഗണിക്കുന്നത് ഡിഎന്എ പരിശോധന പലം പുറത്തുവരുന്നതില് കാലതാമസം ഉണ്ടാക്കുമെന്ന റിപ്പോര്ട്ടുകളുടെ അടിസ്ഥാനത്തിലാണ് കേസ് പരിഗണിക്കുന്നത് കോടതി മാറ്റി വെച്ചത്. ലാബില് നേരത്തെയുള്ള നിരവധി കേസുകളുടെ പരിശോധന നടക്കേണ്ടതിനാല് ഡിഎന്എ ഫലം വൈകുമെന്ന് ആദ്യം അറിയിച്ചെങ്കിലും പോലീസ് ഇടപെട്ട് ഫലം വേഗതയില് പരിശോധിക്കുകയായിരുന്നു. കുറ്റപത്രം സമര്പ്പിക്കുന്നതോടെ കേസില് ബിനോയിക്ക് വിചാരണ നേരിടേണ്ടി വരും.
