ബിജെപി തെരഞ്ഞെടുപ്പ് വിശകലന യോഗം തണ്ണിത്തോട്ടില് സംസ്ഥാന ജനറല് സെക്രട്ടറി കെ. സുരേന്ദ്രന് ഉദ്ഘാടനം ചെയ്യുന്നു
പത്തനംതിട്ട: കോന്നി ഉപതെരെഞ്ഞെടുപ്പ് കാലത്ത് മുഖ്യമന്ത്രി പിണറായി വിജയനും, എം.എം. മണിയും ഉള്പ്പെടെയുള്ള മന്ത്രിമാര് കോന്നിയിലെ വോട്ടര്മാര്ക്കു നല്കിയ വാഗ്ദാനങ്ങള് നടപ്പാക്കണമെന്ന് ബിജെപി സംസ്ഥാന ജനറല് സെക്രട്ടറി കെ. സുരേന്ദ്രന് ആവശ്യപ്പെട്ടു. ബിജെപി തണ്ണിത്തോട് തെരെഞ്ഞെടുപ്പ് വിശകലന യോഗം ഉദ്ഘാടനം ചെയ്തുസംസാരിക്കകയായിരുന്നു അദ്ദേഹം.
പട്ടയമില്ലത്തവര്ക്കു പട്ടയം, വീടില്ലാത്തവര്ക്ക് വീടുകള്, കോന്നി മെഡിക്കല് കോളേജില് മാത്രം നൂറുകണക്കിന് ചെറുപ്പക്കാര്ക്ക് തൊഴില്, പ്രളയത്തില് ചെറിയ കേടുപാടുകള് സംഭവിച്ച വീടുകള്ക്കെല്ലാം ഒരു ലക്ഷം ധനസഹായം തുടങ്ങി ഒട്ടേറെ വാഗ്ദാനങ്ങളാണ് മുഖ്യമന്ത്രിയും, മന്ത്രിമാരും ഇവിടുത്തെ വോട്ടര്മാര്ക്ക് നല്കിയത്. വാഗ്ദാനം ലഭിച്ചവരുടെ കൂട്ടായ്മ മണ്ഡലത്തില് ഉടന് വിളിച്ചു ചേര്ക്കണമെന്നും വാഗ്ദാാനം ലംഘിച്ചാല് പ്രത്യക്ഷ സമരത്തിനിറങ്ങുമെന്നും അദ്ദേഹം പറഞ്ഞു.
ബിജെപി തണ്ണിത്തോട് പഞ്ചായത്ത് കമ്മറ്റി പ്രസിഡന്റ് പി.ഡി. ശശിധരന് അദ്ധ്യക്ഷനായി. ജില്ലാ ജനറല് സെക്രട്ടറി ഷാജി ആര് നായര്, ജില്ലാ വൈസ്പ്രസിഡന്റ് വി.എ. സൂരജ് മണ്ഡലം പ്രസിഡന്റ് ജി. മനോജ്, ജനറല് സെക്രട്ടറി പി.വി. ബോസ്, പഞ്ചായത്ത് ജനറല് സെക്രട്ടറി വിജയകുമാര് ടി.സി, വൈസ്പ്രസിഡന്റ് സജി കുളകുടിയില്, രാജന് പിള്ള, സുലേഖ സോമരാജന് , മുരളീധരന് നായര്, എ.പി. പ്രസന്നന് എന്നിവര് സംസാരിച്ചു.
