സങ്കട മോചകനാണ് അയ്യപ്പന്. വ്രതനിഷഠയോടെ വേണം ശബരിമലദര്ശനം നടത്താന്. കന്നി അയ്യപ്പന്മാര് മുതല് ഗുരുസ്വാമി വരെ ഒരേ നിഷ്ഠയാണ് പാലിക്കേണ്ടത്. 41 ദിവസത്തെ വ്രതശുദ്ധിയോടെയാകണം ശബരിമല ദര്ശനം.വൃശ്ചികം ഒന്നുമുതല് ശബരിമല തീര്ഥാടനകാലം ആരംഭിക്കുകയാണ്. ഭാരതത്തിന്റെ വിവിധ ഭാഗങ്ങളില് നിന്നും സ്വാമി അയ്യപ്പനെ കാണാന്, ഭക്തജനങ്ങള് പതിനെട്ടാംപടി ചവിട്ടുന്നു.
മണ്ഡലകാല വ്രതാനുഷ്ഠാനത്തിനെ കുറിച്ച് പല തെറ്റിദ്ധാരണകളും, അന്ധവിശ്വാസങ്ങളും ചിലരുടെയൊക്കെ മനസ്സില് ഉണ്ട്. എങ്ങനെയാണ് വ്രതം അനുഷ്ഠിക്കേണ്ടത് എന്നതാണ് പ്രധാനമായും മനസ്സിലുയരുന്ന ചോദ്യംഎങ്ങനെയാവണം ശാസ്ത്രീയമായ വ്രതാനുഷ്ഠാനം. തുലാം മാസത്തിലേ തന്നെ വ്രതം അനുഷ്ഠിക്കുന്നവരാണ് വൃശ്ചികം ആദ്യംതന്നെ അയ്യപ്പദര്ശനത്തിന്
പോകുന്നത്. മാലയിട്ട് 41 ദിവസത്തെ ചിട്ടയായ വ്രതമാണ് അതിനു വേണ്ടത്. ശബരിമല തീര്ഥാടനം വ്രതശുദ്ധിയുടെതാണ്. മനസ്സും ശരീരവും ശുദ്ധമായിരിക്കണം. വ്രതനിഷ്ഠകളെക്കുറിച്ച് യോഗശാസ്ത്രം വ്യക്തമായി പറയുന്നു. വ്രതനിഷ്ഠയില് പ്രധാനം ബ്രഹ്മചര്യമാണ്.
സ്മരണം കീര്ത്തനം കേളി
പ്രേക്ഷണം ഗുഹ്യഭാഷണം
സങ്കല്പോളധ്യവസായശ്ച
ക്രിയാനിഷ്പത്തിരേവ ച
ഏതന് മൈഥുനമഷ്ടാങ്ഗം
പ്രവദന്തി മനീഷണിഃ?
(ദക്ഷസ്മൃതി 7.31.32)
എന്നാണ് യോഗശാസ്ത്രം പറയുന്നത്. സ്ത്രീ പുരുഷ സംഗമം മാത്രമല്ല, ഓര്മ, കീര്ത്തിക്കല്, സംസാരം എന്നിങ്ങനെ എല്ലാ കാര്യങ്ങളും ബ്രഹ്മചര്യം അനുഷ്ഠിക്കാന് വര്ജിക്കണം എന്ന് ശാസ്ത്രം വ്യക്തമാക്കുന്നു.
പലരും തെറ്റായി ധരിച്ചുവച്ചിരിക്കുത് അഷ്ടാംഗത്തില് എട്ടാമത്തേതായ സ്ത്രീ പുരുഷ സംഗമം മാത്രം വര്ജിച്ചാല് ബ്രഹ്മചര്യം ആയി എന്നാണ്, എട്ടാമത്തേത് മാത്രമല്ല, അതിനു മുന്നേ യോഗശാസ്ത്രം പറയുന്ന ഏഴ് കാര്യങ്ങള് നിര്ബന്ധമായും വര്ജിക്കുക തന്നെ വേണം. ഇതാണ് ശബരിമലയില് സ്ത്രീകള്ക്ക് പ്രവേശനം നിഷിദ്ധമാകുതിനു പിന്നാലെയുള്ള പ്രധാന കാരണം.
ശബരിമല പുണ്യഭൂമിയാണ്. പവിത്രമായ പതിനെട്ടാം പടിയില്
പാദസ്പര്ശം നടത്താന് ബ്രഹ്മചര്യം നിര്ബന്ധമാണ്. ബ്രഹ്മചര്യം അനുഷ്ഠിക്കുന്നതിലൂടെയാണ് ഭക്തര് ഭഗവാനിലേക്ക് എത്തിച്ചേരുന്നത്. അയ്യപ്പഭക്തര് അദ്വൈതാനുഭൂതി ലഭിച്ചവരെ പോലെയാണ്. എല്ലാറ്റിലും ഈശ്വരചൈതന്യം ദര്ശിക്കുന്നു. യഥാര്ഥമായ ഈ അവസ്ഥയിലേക്ക് എത്തിച്ചേരാനും യോഗശാസ്ത്രം പറയുന്നു. ബ്രഹ്മചര്യനിഷ്ഠ കര്ശനമായി പാലിക്കണം.
സത്യം, ബ്രഹ്മചര്യം, ആസ്തേയം, അപരിഗ്രഹം,അഹിംസ, എന്നിവയും കൃത്യമായി പാലിച്ചു വേണം ശബരിമലദര്ശനം നടത്തുവാന്.
ഛാന്ദോഗ്യോപനിഷത്തിലെ മഹാവാക്യമാണ് ‘തത്ത്വമസി ‘,
തത്+ത്വം+അസി , ‘അതുതന്നെയാണ് നീ’ എന്നര്ത്ഥം. വിശദീകരിച്ചാല്. ‘ഈ ബ്രഹ്മാണ്ഡകടാഹത്തില് അന്തര്യാമിയായി സ്ഥിതിചെയ്യുന്നത് എന്താണോ അതുതയൊണ് നീ’. അതുകൊണ്ടാണ് അയ്യപ്പഭക്തരെ അയ്യപ്പന്മാര് എന്ന് വിശേഷിപ്പിക്കുന്നതും.
ഈ വ്രതാനുഷ്ഠാനങ്ങള് ജീവിതചര്യയാക്കി മാറ്റാനുള്ള ചുവടുവയ്പ്പായി ശബരിമല വ്രതാനുഷ്ഠാനകാലത്തെ കാണുകയും വേണം.
മാലയിട്ടാല് അത് ഊരുന്നതുവരെ ക്ഷൗരം പാടില്ല.
ഒരു ലഹരിവസ്തുക്കളും ഉപയോഗിക്കരുത്.
മാംസഭക്ഷണം പാടില്ല.
പഴയതും പാകം ചെയ്ത് അധികസമയം കഴിഞ്ഞതുമായ ഭക്ഷണം കഴിക്കാന് പാടില്ല.
ഭക്ഷണം പാകം ചെയ്ത് ഒരമണിക്കൂറിനുള്ളില് കഴിക്കുന്നതാണ് ഉത്തമം.
കോപിക്കരുത്, കള്ളംപറയരുത്, ഹിംസിക്കരുത്.
ശവസംസ്കാര കര്മത്തില് പങ്കെടുക്കരുത്, പങ്കെടുത്താല് അടുത്ത മണ്ഡലകാലം വരെ വ്രതമെടുത്ത് മലചവിട്ടണം.
ജാതകര്മ്മങ്ങളില് പങ്കെടുക്കരുത്.
ആരെയും പരിഹസിക്കരുത്.
ശിഷ്യനല്ലാത്തവനെ ശാസിക്കരുത്.
പകലുറങ്ങരുത്.
വ്രതാനുഷ്ഠാനവേളയില് വീട്ടില് ശ്രദ്ധിക്കേണ്ടതായ കാര്യങ്ങള്
മണ്ഡലക്കാലത്ത് വീട്ടില് നിന്ന് ശബരിമലക്ക് പോകുന്നവരുണ്ടെങ്കില് അവരെപ്പോലെ തന്നെ വീട്ടമ്മയും പരിശുദ്ധി പാലിക്കേണ്ടതാണ്.
നേരത്തെ കുളിച്ച് പൂജാമുറിയില് അയ്യപ്പവിഗ്രഹത്തിന്റെയോ ചിത്രത്തിന്റെയോ മുമ്പില് വിളക്ക് കത്തിച്ചുവെച്ച് വന്ദിച്ച് ദിനചര്യകള് ആരംഭിക്കണം.
ശുദ്ധമായി വേണം ഭക്ഷണം പാകം ചെയ്യാന്. തലേന്നാളിലെ ഭക്ഷണം ഒഴിവാക്കണം. മത്സ്യമാംസാദികള് വീട്ടിലേക്ക് കടത്തരുത്, കഴിക്കരുത്. മദ്യ
പാനശീലമുള്ളവരുണ്ടെങ്കില് അത് ഒഴിവാക്കണം. വ്രതമനുഷ്ഠിക്കുവരെപ്പോലെ വീട്ടമ്മയും ഒരിക്കലുണ്ണുന്നതാണ് നല്ലത്. സാധിക്കുമെങ്കില് വീട്ടിലുള്ളവരെല്ലാം രാത്രി ഊണ് ഒഴിവാക്കി മറ്റെന്തെങ്കിലും കഴിക്കുന്ന ശീലമാണ് അഭികാമ്യം.
സര്വചരാചരങ്ങളിലും ദൈവചൈതന്യം സങ്കല്പ്പിച്ച് പെരുമാറണം.
വാക്കുകളെക്കൊണ്ടുപോലും ആരെയും വിഷമിപ്പിക്കാതിരിക്കണം.
ദുഷ്ടചിന്തകള്ക്ക് മനസ്സില് സ്ഥാനം നല്കാതിരിക്കുക. കഴിയുന്നതും മറ്റുള്ളവരെ സഹായിക്കുക.
സന്ധ്യക്ക് മറ്റുള്ളവരെക്കൂടി സഹകരപ്പിച്ച് ഭജന, നാമജപം എന്നിവ നടത്തി അന്തരീക്ഷം ഭക്തിസാന്ദ്രമാക്കുക
ബ്രഹ്മചര്യം പാലിക്കുക. ആഡംബരങ്ങള് ഒഴിവാക്കി ലളിതജീവിതം നയിക്കുക.
ഋതുകാലം പ്രത്യേകം ചിട്ടകള്
പാലിക്കണം. ആ അവസ്ഥയിലുള്ള സ്ത്രീകള് അടുക്കളയില് പ്രവേശിക്കാനോ ആഹാരം പാകം ചെയ്യാനോ
പാടില്ല. മലയ്ക്ക് പോകുന്നവരില്നിന്നും അകന്ന് നില്ക്കണം. തങ്ങള് തൊട്ടസാധനങ്ങള് അവര്ക്ക് നല്കരുത്.
കഴിയുന്നത്ര വ്രതങ്ങള് നോല്ക്കണം. ശാസ്താ ക്ഷേത്രങ്ങളില് ദര്ശനവും, എള്ളുതിരികത്തിക്കള്, നീരാഞ്ജനം തുടങ്ങിയ വഴിപാടുകളും ചെയ്തു ദേവനെ പ്രസാദിപ്പിക്കണം. ശനിയാഴ്ചവ്രതം അതിവിശേഷമാകുന്നു.
സമീപത്ത് അയ്യപ്പന്വിളക്ക് നടക്കുന്നുണ്ടെങ്കില് അവിടെ പോയി തൊഴുത് അതില് പങ്കാളിയാകാന് മടിക്കരുത്.
ഭര്ത്താവോ, മകനോ മറ്റു വേണ്ടപ്പെട്ടവരോ മലയ്ക്ക്
പോയി എത്തും വരെ സ്ത്രീകള് വ്രതശുദ്ധിയോടെ
പോയ ആള് ഭഗവാനെ ദര്ശനം നടത്തി ബുദ്ധിമുട്ടുകൂടാതെ മടങ്ങിവരുന്നതിന് പ്രാര്ഥിക്കണം.
കെട്ടുനിറച്ച് നാളികേരം ഉടച്ച് വീട്ടില് നിന്നും പോയപ്പോള് വെച്ചകല്ല് ശുദ്ധിയോടെ സൂക്ഷിക്കണം. അവിടെ രണ്ടുനേരവും വിളക്ക് വെക്കേണ്ടതുമാണ്.
കുടുംബത്തില് നിന്ന് കെട്ടുനിറച്ച് പോകുമ്പോള് മറ്റംഗങ്ങള് എല്ലാം പങ്കെടുക്കുകയും അരിയും കാണിപ്പണവും (കാണിപ്പൊന്ന്) കെട്ടില് നിക്ഷേപിച്ച് അതില് ഭാഗഭാക്കാകുകയും വേണം.
വ്രതം ആരംഭിച്ച് കഴിഞ്ഞാല്, മലയില്നിന്ന് മടങ്ങി എത്തുന്നതുവരെ വീട്ടില് എത്തുന്ന അയ്യപ്പഭക്തന്മാരെ സന്തോഷപൂര്വം സ്വീകരിക്കണം.
കറുത്ത വസ്ത്രം ധരിച്ച് ശരണംവിളിച്ച് വീട്ടില് എത്തുന്ന അപരിചിതര്ക്കുപോലും അന്നം നല്കണം.
ഹിന്ദുക്കളല്ലെങ്കില് പോലും എല്ലാമതവിഭാഗങ്ങളില്പ്പെട്ടവരോടും സമഭാവനയോടെ പെരുമാറണം.
ശാസ്താവിന്റെ പ്രാര്ഥനാമന്ത്രം ജപിക്കണം
‘ഭൂതനാഥ സദാനന്ദ
സര്വഭൂത ദയാപര
രക്ഷരക്ഷ മഹാബാഹോ
ശാസ്ത്രേതുഭ്യം നമോനമഃ
ഭൂതനാഥമഹം വന്ദേ
സര്വലോകഹീതേ രതം
കൃപാനിധേ സദാസ്മാകം
ഗ്രഹ പീഡാം സമാഹര’
ജന്മഭൂമി ഓണ്ലൈന്