പത്തനംതിട്ട: തിര്ത്ഥാടനകാലമടുത്തിട്ടും ഭക്തര്ക്കായുള്ള സൗകര്യങ്ങള് ഒരുക്കുന്നതിലെ അലംഭാവം സര്ക്കാര് അവസാനിപ്പിക്കണമെന്ന് ഭാരതീയ ഹിന്ദു ആചാര്യസഭ സംസ്ഥാന സമ്മേളനം ആവശ്യപ്പെട്ടു. ഹൈന്ദവസമൂഹത്തോടുള്ള അവഗണനയും അവഹേളനവും അവസാനിപ്പിക്കാത്ത പക്ഷം സര്ക്കാര് കനത്ത വില നല്കേണ്ടി വരും.
ഭക്തര്ക്ക് പാസ് ഏര്പ്പെടുത്താനുള്ള തീരുമാനം പുനപരിശോധിക്കണം. ശബരിമല വികസനത്തിനായി കോടികള് അനുവദിച്ചെന്നുള്ള സര്ക്കാര് പ്രസ്താവന വെറും വീണ്വാക്കായി മാറിയിരിക്കുന്നു. വിശ്വാസങ്ങളും ആചാരങ്ങളും സംരക്ഷിക്കാന് യോജിച്ച പ്രവര്ത്തനങ്ങള്ക്ക് ഭാരതീയ ഹിന്ദു ആചാര്യസഭ മുന്കയ്യെടുക്കും. ശബരിമല ധനസമ്പാദനത്തിനുള്ള ടൂറിസിറ്റ് കേന്ദ്രമാക്കാനുള്ള സര്ക്കാര് നയം തിരുത്തണമെന്നും സമ്മേളനം ആവശ്യപ്പെട്ടു.
തൃപ്പൂണിത്തുറ പാലസില് നടന്ന യോഗം മകയിരം തിരുനാള് കേരളവര്മ്മ ഉദ്ഘാടനം ചെയ്തു. ദേശീയ ജനറല്സെക്രട്ടറി ഹരിപ്രസാദ് വെച്ചുച്ചിറ, സെക്രട്ടറി നാഗരാജന് കോയമ്പത്തൂര്, എന്നിവര് സംസാരിച്ചു. സംസ്ഥാനഭാരവാഹികളായി മകയിരം തിരുനാള് കേരളവര്മ്മ (പ്രസിഡന്റ്), വിജയകുമാര് കോവിലകം (വര്ക്കിംഗ് പ്രസിഡന്റ്), ഡോ. എന്.എസ്. കൈമള്, ചേര്ത്തല, സന്തോഷ് വരാപ്പുഴ (വൈസ്പ്രസിഡന്റുമാര്), ബിനു ആര് കുമാര് കൊട്ടാരക്കര (ജനറല് സെക്രട്ടറി), സതീഷ് ശ്രീകാര്യം, ഹരിനാരായണന് പത്തനംതിട്ട, ഹരിപ്പാട് അയ്യപ്പന് (സെക്രട്ടറിമാര്), ശ്രീവരാഹം വാസുദേവന് (ട്രഷറര്) എന്നിവരെ തെരഞ്ഞെടുത്തു.
