തിരുവനന്തപുരം: മഞ്ചേശ്വരം ഉപതെരഞ്ഞെടുപ്പിനിടെ നടന്നത് കള്ളവോട്ട് ശ്രമം തന്നെയെന്ന് മുഖ്യ തെരഞ്ഞെടുപ്പ് ഓഫീസര് ടിക്കാറാം മീണ. മണ്ഡലത്തില് നടന്ന കള്ളവോട്ട് വളരെ ഗൗരവത്തില് എടുക്കുന്നുണ്ട്. കള്ളവോട്ട് ചെയ്യുന്ന ശ്രമത്തിനിടെയാണ് നബീസ പിടിയിലായത്. കള്ളവോട്ട് ചെയ്യാന് വേണ്ടി തന്നെയാണ് ഇവര് എത്തിയതെന്നും ടിക്കാറാം മീണ പറഞ്ഞു.
നേരത്തെ മഞ്ചേശ്വരം മണ്ഡലത്തില് വ്യാപകമായി കള്ളവോട്ട് നടത്താന് സിപിഎമ്മും കോണ്ഗ്രസും ശ്രമിച്ചുവെന്ന് ബിജെപി ജില്ലാ പ്രസിഡന്റ് കെ. ശ്രീകാന്ത് പറഞ്ഞു. ഇതിന്റെ ഭാഗമായുള്ളതാണ് ബാക്രാവയല് എയുപിഎസ് സ്കൂളിലെ 42-ാം നമ്പര് ബൂത്തില് നടന്ന സംഭവം. പത്തുദിവസം മുമ്പ് തന്നെ ബിജെപി ഇക്കാര്യം വ്യക്തമാക്കി ടിക്കാറാം മീണയ്ക്ക് പരാതി നല്കിയിരുന്നു. എന്നാല്, ഒരു നടപടിയും ഉണ്ടായില്ല. നാട്ടിലില്ലാത്തവരുടെ വോട്ട് ചെയ്യാന് മുസ്ലീം ലീഗ് പ്രവര്ത്തകരെ തയാറാക്കി നിര്ത്തിയിരുന്നു.
ഇന്നലെ കള്ളവോട്ട് ചെയ്യാന് ശ്രമിക്കുന്നതിനിടെ അബൂബക്കറിന്റെ ഭാര്യാ നബീസ എന്ന സ്ത്രീയാണ് പിടിയിലായത്. വോട്ടര് പട്ടികയില് പേരില്ലാത്ത ഇവര് കോണ്ഗ്രസ് പാര്ട്ടിക്കാര് നല്കിയ സ്ലിപ്പ് ഉപയോഗിച്ച് കള്ളവോട്ട് ചെയ്യാന് ശ്രമിക്കുകയായിരുന്നു. ഇത് ബൂത്തിലുണ്ടായിരുന്ന ബിജെപി പ്രവര്ത്തകര് എതിര്ത്തതോടെയാസ് സംഭവം പുറത്തായത്. തുടര്ന്ന് പ്രിസൈഡിങ് ഓഫീസര് മഞ്ചേശ്വരം പോലീസില് വിവരം അറിയിച്ചു. തുടര്ന്ന് പ്രിസൈഡിങ് ഓഫീസറുടെ പരാതിയില് ഇവരെ പോലീസ് അറസ്റ്റ് ചെയ്തിരുന്നു. ഇതേ ബൂത്തില് തന്നെ വോട്ടുണ്ടായിരുന്ന നബീസ എന്ന സ്ത്രീയുടെ പേരിലാണ് ഇവര് കള്ളവോട്ടിന് ശ്രമിച്ചത്. പണ്ട് ഇവിടെ വോട്ട് ഉണ്ടായിരുന്ന നബീസ വിവാഹ ശേഷം മറ്റൊരു സ്ഥലത്തെ വോട്ടര്പട്ടികയിലാണുള്ളതെന്ന് ഏജന്റുമാര് അറിയിച്ചു. നബീസയുടെ ഭര്ത്താവ് എല്ഡിഎഫ് പ്രവര്ത്തകനാണ്. നബീസ മുസ്ലീം ലീഗിന്റെ സജീവ പ്രവര്ത്തകയാണ്.
