ഹനുമാന്ജനകോ വ്യാസോ വസിഷ്ഠശ്ച ശുകോ ബലിഃ
ദധീചിവിശ്വകര്മാണൗ പൃഥുവാല്മീകി ഭാര്ഗവഃ
ആഷാഢത്തിലെ ശുക്ലപൗര്ണമിദിനം വ്യാസപൂജ അഥവാ ഗുരുപൂജാദിനമായി ആഘോഷിക്കുന്നു. ഓരോ മന്വന്തരത്തിലും ഭഗവാന് വിഷ്ണു വ്യാസന്റെ രൂപത്തില് അവതരിച്ച് വേദങ്ങളെ ഉദ്ധരിക്കുന്നു എന്നാണ് വിശ്വാസം. ഇതുവരെ 28 വ്യാസാവതാരങ്ങള് ഉണ്ടായിട്ടുണ്ട്. വൈവസ്വതമന്വന്തരത്തില് കൃഷ്ണദ്വൈപായന വ്യാസന് അവതരിച്ചു,. പരാശര മഹര്ഷിയുടേയും സത്യവതിയുടേയും പുത്രനായ കൃഷ്ണദ്വൈപായനന് 18 പുരാണങ്ങള് രചിക്കുകയും തന്റെ ശിഷ്യന്മാര്ക്ക് വേദോപദേശം നല്കുകയും അവരുടെ സഹായത്തോടെ വേദത്തിലെ വിവിധശാഖകളെ കൂടുതല് വികസിപ്പിക്കുകയും ചെയ്തു. ബ്രഹ്മസൂത്രം രചിച്ചു. ഉപനിഷദ് രഹസ്യങ്ങള് ലോകത്തിനു മുമ്പില് തുറന്നു കൊടുത്തു. ഭാരതീയ സംസ്ക്കാരത്തിന്റെ സുന്ദരമായ ആഖ്യാനത്തിലൂടെ മഹാഭാരതമെന്ന മഹാകാവ്യം രചിച്ചു. വ്യാസന് വൈദിക, സംസക്കാര പരമ്പരയെ സംരക്ഷിക്കുന്നതിനായി വിവിധരീതിയില് വേദതത്വങ്ങളെ ലോകമാകെ പ്രചരിപ്പിച്ചു.
(ഹോ. വെ. ശേഷാദ്രിയുടെ ‘ഏകാത്മതാസ്തോത്രം’ വ്യാഖ്യാനത്തില് നിന്ന്)
