ചണ്ഡിഗഢ്: ചരിത്ര വസ്തുതകളെ തെറ്റായി ചിത്രികരിച്ച് ഹൈന്ദവ സമൂഹത്തെ അപകീര്ത്തിപ്പെടുത്താന് ശ്രമിച്ച രാം സിയാ കേ ലവ കുശ് സീരിയലിന്റെ സംപ്രേഷണം കടുത്ത പ്രതിഷേധത്തെ തുടര്ന്ന് നിര്ത്തിവെക്കാന് സര്ക്കാര് ഉത്തരവിട്ടു. പഞ്ചാബില് വാല്മീകി സമുദായത്തിന്റെ ദിവസങ്ങള് നീണ്ട പ്രതിഷേധത്തിനൊടുവിലാണ് സീരിയല് നിര്ത്തിവെച്ചത്. കഴിഞ്ഞ ദിവസം ജലന്ധറില് പ്രതിഷേധത്തിനിടെ ഒരാള്ക്ക് വെടിയേറ്റിരുന്നു. സീരിയല് തെറ്റായ സന്ദേശങ്ങള് സമുഹത്തില് എത്തിക്കുന്നു. ചരിത്ര വസ്തുതകളെ മാറ്റിമറിച്ച് തങ്ങളെ അപമാനിക്കുന്നുവെന്ന് വാല്മീകി ആക്ഷന് കമ്മിറ്റി പറഞ്ഞു. സീരിയല് രാജ്യവ്യാപകമായി നിരോധിക്കണമെന്നും സംവിധായകനെയും നിര്മാതാവിനെയും അറസ്റ്റ് ചെയ്യണമെന്നും സംഘടന ആവശ്യപ്പെട്ടു.
ജലന്ധര്, അമൃത്സര്, ഹോഷിയാര്പുര്, കപൂര്ത്തല തുടങ്ങിയ നഗരങ്ങളിലെല്ലാം പ്രതിഷേധക്കാര് ബന്ദിന് ആഹ്വാനം ചെയ്തു. ജലന്ധര്-അമൃത്സര് ദേശീയപാത പ്രതിഷേധക്കാര് തടഞ്ഞത്തിനെ തുടര്ന്നാണ് മുഖ്യമന്ത്രി അമരീന്ദര് സിംഗ് ഇടപെട്ട് സീരിയല് സംപ്രേഷണം നിര്ത്തിവെക്കാന് ഉത്തരവിട്ടത്. താന് മതവികാരത്തെ മാനിക്കുന്നുവെന്നും വെണ്ട നടപടികള് ചെയ്യാമെന്നും അദ്ദേഹം ഉറപ്പുനല്ക്കി. സീരിയലിന്റെ സംവിധായകനെയും നിര്മാതാവിനെയും പോലീസ് അറസ്റ്റ് ചെയ്തിട്ടുണ്ട്. സെന്സര് ബോര്ഡില് മതനേതാക്കളുടെ പ്രതിനിധികളെ ഉള്പ്പെടുത്തണമെന്നും സംഘടനാ നേതാക്കള് ആവശ്യപ്പെട്ടു.
