കോഴിക്കോട്: വൈദ്യുതി ചാര്ജ് അടയ്ക്കാത്തതിനാല് കണക്ഷന് വിച്ഛേദിക്കാനെത്തിയ കെഎസ്ഇബി ജീവനക്കാര്ക്ക് ഗൃഹനാഥനായ വയോധികനെ കണ്ടെത്താനായില്ല. ബന്ധുവിനെ വിവരമറിയിച്ച് നടത്തിയ പരിശോധനയില് വീട്ടുവളപ്പില് നിന്ന് ഒന്നര മാസത്തോളം പഴക്കമുള്ള അസ്ഥികൂടം കണ്ടെടുത്തു.ചാലിക്കര കാക്കാമാക്കൂല് മീത്തല് കുഞ്ഞിക്കണ്ണന്(72) ആണ് മരിച്ചത്.പേരാമ്പ്രയില് ആണ് സംഭവം.
ഇയാള് തനിച്ചാണ് താമസിച്ചിരുന്നത്.പറമ്പില് ഇറങ്ങിയപ്പോള് എന്തെങ്കിലും അപകടം സംഭവിച്ച് മരിച്ചതാകാം എന്നാണ് പ്രാഥമിക നിഗമനം. കണക്ഷന് വിച്ഛേദിക്കാനെത്തിയ കെഎസ്ഇബി ജീവനക്കാര് കുഞ്ഞിക്കണ്ണനെ വീട്ടില് കാണാത്തതു കാരണം കാഞ്ഞങ്ങാടുള്ള സഹോദരി പുത്രന്റെ ഫോണിലേക്ക് വിളിച്ചറിയിച്ചു.
നാട്ടുകാരെ വിവരമറിയിച്ചതിനെ തുടര്ന്ന് നടത്തിയ തിരച്ചിലിലാണ് വീട്ടുവളപ്പില് നിന്ന് അസ്ഥികൂടം കണ്ടെത്തിയത്. കുഞ്ഞിക്കണ്ണന്റെ ചെരിപ്പും ധരിച്ചിരുന്ന മുണ്ടും സമീപമുണ്ട്.തെങ്ങുകയറ്റ തൊഴിലാളിയായിരുന്നു കുഞ്ഞിക്കണ്ണന്
അസ്ഥികൂടം ഡിഎന്എ പരിശോധനയ്ക്ക് വിധേയമാക്കിയ ശേഷമാകും സംസ്കാരം. കുഞ്ഞിക്കണ്ണന് ചിലപ്പോള് കാഞ്ഞങ്ങാടുള്ള സഹോദരിയുടെ വീട്ടില് പോയി താമസിക്കാറുണ്ട്. സഹോദരിയുടെ വീട്ടില് ആയിരിക്കും എന്നാണ് നാട്ടുകാരും കരുതിയത്. ഭാര്യ നേരത്തെ മരിച്ചു. മക്കള് രണ്ട് പേരും മറ്റു വീടുകളിലാണ് താമസിക്കുന്നത്.
