ഭാരതീയരേ, നമ്മുടെ ഭാരതാംബയുടെ 73 സ്വാതന്ത്രൃദിനം ഇന്ന് ആഘോഷിക്കുകയാണ്. കേരളം ഉള്പ്പെടെ പല സംസ്ഥാനങ്ങള് പല പ്രക്രൃതിദുരന്തങ്ങള് അനുഭവിച്ച് കൊണ്ടിരിക്കയാണ്. എന്നാല് ഇതിലും വലിയ ദുരിതങ്ങള് വര്ഷങ്ങളോളം സഹിച്ചാണ് നമ്മുടെ ധീരസ്വാതന്ത്ര്യ സമരനായകര് അവരുടെ ജീവനും ജീവിതവും ഹോമിച്ച് നേടിയതാണ് നമ്മുടെ ഭാരതാംബയുടെ സ്വാതന്ത്ര്യം.
ചീഞ്ഞുനാറുന്ന സംസ്കാരവും, കാട്ടാളത്തരവും, നിലവാരമില്ലാത്ത ചിന്തകളോടുകൂടിയും ഉള്ള കടന്നാക്രമണം കാരണം നമ്മുടെ രാജ്യം കീഴ്പ്പെട്ടു. എന്നാല് നമ്മുടെ സനാതന ധര്മ്മശാസ്ത്രം, എന്നും പുതുമയോടെ തന്നെ ഒരിക്കലും നാശമില്ലാത്തതിനാല് അതിന്റെ ഉയിര്ത്തെഴുനേല്പ്പ് നടന്നു. ഇതിന് കാരണം ഭാരതീയ ജ്ഞാന പൈതൃകങ്ങളുടെ ഉറച്ച അടിത്തറ തന്നെയാണ്. ഓരോ ഭാരതീയനും അവന്റെ ജീവിതവും, കുടുംബത്തിന്റെ ഭദ്രതയും, സമൂഹത്തിന്റെ ഭദ്രതയും, രാഷ്ട്രത്തിന്റെ ഭദ്രതയും കാത്ത് സൂക്ഷിക്കാന് ഉത്തരവാദിത്വമുണ്ട്.
ഇന്ന് ആഗസ്റ്റ് 15, എല്ലാ ഭാരതീയരും അവരുടെ ദേവാലയങ്ങളില്, ഭാരതമാതാവിന്റെ ചിത്രത്തിന് മുമ്പില്, ഭക്തിയോടെ ഭാരത മാതാവിന്റെ മാഹാത്മ്യങ്ങള് പ്രകീര്ത്തിക്കുന്ന പ്രസ്താവനകളും, പ്രഖ്യാപനങ്ങളും, സ്തുതി ഗീതങ്ങളും ചൊല്ലി ഭാരത മാതാവിന്റെ അഖണ്ഡതക്കായി പ്രയത്നിക്കുന്നതിനായി, ഇപ്പോഴത്തെ പ്രകൃതിദുരന്തങ്ങള് കൂട്ടായി നേരിടാന് പ്രതിജ്ഞ എടുത്ത് അതിനായി അര്പ്പണബുദ്ധ്യാ പ്രവര്ത്തിക്കുക.
വിജയകുമാര്, തിരുവനന്തപുരം
