തിരുവനന്തപുരം: സ്പോർട്സ് അതോറിറ്റി ഓഫ് ഇന്ത്യയും എൽഎൻസിപിയും മാർബസേലിയോസ് എൻജിനീയറിംഗ് കോളേജും സംയുക്തമായി സംഘടിപ്പിച്ച ‘നെക്സസ് 2019 – ഓള്‍കേരളാ ഇന്റർ കോളേജിയേറ്റ് ഫുട്ബോൾ’ ടൂർണ്ണമെന്റിൽ തിരുവനന്തപുരം എംജി കോളേജ് ചാമ്പ്യൻമാരായി.
കാര്യവട്ടം എൽഎൻസിപി സ്റ്റേഡിയത്തിൽ നടന്ന ഫൈനലിൽ ഏകപക്ഷീയമായ രണ്ടു ഗോളുകൾക്ക് മഞ്ചേരി എൻഎസ്എസ് കോളേജിനെ തകർത്താണ് എംജി ചാമ്പ്യൻമാരായത്. ആകെ 32 ടീമുകൾ ടൂർണ്ണമെന്റിൽ പങ്കെടുത്തു. ഇന്ത്യൻ ഫുട്ബോൾ താരം ജോബി ജസ്റ്റിൻ സമ്മാനദാനം നിർവഹിച്ചു. മുൻ ഇന്ത്യൻ ക്യാപ്റ്റൻ ജോ പോൾ അഞ്ചേരി മുഖ്യാതിഥി ആയിരുന്നു.
എൽഎൻസിപി പ്രിൻസിപ്പൽ ഡോ . ജി കിഷോർ, ഇന്ത്യയിൽ നിന്നുള്ള ഏക ഫിഫാ പരിശീലകനായ ഡോ പ്രദീപ് ദത്ത, നെക്സസ് 2019 ജനറൽ കൺവീനർ ഡോ.ജോസ് ലെറ്റ് ചാൾസ്, മാർബസേലിയോസ് കോളേജ് സ്പോർട്സ് കൺവീനർ ദീപക് രാജ്, കേരളാ വനിതാ വോളിബോൾ പരിശീലകൻ ഡോ സദാനന്ദൻ, നെക്സസ് 2019 കൺവീനർ ജോമോൾ ജോസഫ് എന്നിവരും പങ്കെടുത്തു.
