ദമാം: പാക്കിസ്ഥാനില് നിന്നുള്ള മുതിര്ന്ന അടക്കം ഡോക്റ്റര്മാരെ പുറത്താക്കി സൗദി അറേബ്യയും അറബ് രാജ്യങ്ങളും. നിലവാരമുള്ള പരിശീലനം ലഭിക്കാത്തതിന്റെ അടിസ്ഥാനത്തിലാണ് സൗദിയും ഖത്തറും യുഎഇയും ബഹ്റിനും പാക് ഡോക്റ്റര്മാരുടെ സേവനം അവസാനിപ്പിച്ചത്. ഇതോടെ നൂറുകണക്കിന് ുപാക് ഡോക്റ്റര്മാര്ക്ക് ജോലി നഷ്ടമായെന്ന് പാക് ദിനപത്രം ഡാണ് റിപ്പോര്ട്ട് ചെയ്തു.
പാക്കിസ്ഥാനാനില് നിന്നു എംഎസ് (മാസ്റ്റര് ഓഫ് സര്ജറി), എംഡി (ഡോക്റ്റര് ഓഫ് മെഡിസിന്) എന്നീ ബിരുദങ്ങള് നേടി എത്തി ജോലി ചെയ്യുന്ന ഡോക്റ്റര്മാര്ക്കു വേണ്ടത്ര നിലവാരമില്ലെന്നാണു കണ്ടെത്തല്. നിര്ബന്ധമായും നേടേണ്ട നിലവാരമുള്ള പരിശീലനം ഈ ഡോക്റ്റര്മാര് നേടിയിട്ടില്ല. സൗദിയിലുള്ള പാക് ഡോക്റ്റര്മാര്ക്ക് പുറത്താക്കല് നോട്ടീസ് നല്കിയിട്ടുണ്ട്. ഇതോടൊപ്പം സൗദിയെ ഹെല്ത്ത് കമ്മിഷനിലേക്ക് ലഭിക്കുന്ന അപേക്ഷകള് എല്ലാം ഇപ്പോള് നിരസിക്കുകയാണ്. പാക് സര്ക്കാര് വിഷയത്തെ ഗൗരവമായി കാണണമെന്ന ആവശ്യവുമായി രംഗത്തു വന്നിരിക്കുകയാണ് ഡോക്റ്റര്മാരിപ്പോള്.
