ലണ്ടന്: ഏകദിന ലോക ചാമ്പ്യന്മാരായ ഇംഗ്ലണ്ടിനെ വിറപ്പിച്ച ക്രിക്കറ്റിലെ കുഞ്ഞന്മാര് ഒടുവില് പൊരുതി വീണു. ക്രിക്കറ്റിന്റെ മെക്കയായ ലോര്ഡ്സില് അരങ്ങേറിയ ഏക ടെസ്റ്റില് അയര്ലന്ഡ് 143 റണ്സിന് ആതിഥേയര്ക്ക് കീഴടങ്ങി.
182 റണ്സ് വിജയലക്ഷ്യത്തിനായി ബാറ്റേന്തിയ അയര്ലന്ഡ് മൂന്നാം ദിനത്തില് ഉച്ചഭക്ഷണത്തിന് മുമ്പ്് 15.4 ഓവറില് 38 റണ്സിന് ഓള് ഔട്ടായി. സ്കോര്: അയര്ലന്ഡ് 207, 38, ഇംഗ്ലണ്ട് 85, 303.
ഇംഗ്ലീഷ് പേസര്മാരായ സ്റ്റുവര്ട്ട് ബ്രോഡും ക്രിസ് വോക്സുമാണ് ആദ്യ സെഷനില് തന്നെ അയര്ലന്ഡിനെ വീഴ്ത്തിയത്. ക്രിസ് വോക്സ് 6.4 ഓവറില് പതിനേഴ് റണ്സിന് ആറു വിക്കറ്റ് വീഴ്ത്തി. ബ്രോഡ് എട്ട് ഓവറില് 19 റണ്സിന് നാല് വിക്കറ്റും പോക്കറ്റിലാക്കി. അയര്ലന്ഡിന്റെ ഓപ്പണര് ജെയിംസ് മക്കോളം (11) മാത്രമാണ് രണ്ടക്കം കടന്നത്.
ഇംഗ്ലണ്ടിനെ വിറപ്പിച്ചശേഷമാണ് അയര്ലന്ഡ് കീഴടങ്ങിയത്. ആദ്യ ഇന്നിങ്ങ്സില് കേവലം 85 റണ്സിന് ഇംഗ്ലണ്ടിനെ കൊമ്പുകുത്തിച്ച അയര്ലന്ഡ് രണ്ടാം ഇന്നിങ്ങ്സിലും ഇംഗ്ലണ്ടിനെ വരിഞ്ഞുമുറുക്കി. 303 റണ്സിന് ഓള് ഔട്ടാക്കി.
ഒമ്പത് വിക്കറ്റിന് 303 റണ്സെന്ന സ്കോറിന് ഇന്നിങ്ങ്സ് പുനരാരംഭിച്ച ഇംഗ്ലണ്ട് അതേ സ്കോറിന് തന്നെ പുറത്തായി.
നൈറ്റ് വാച്ച്മാനായി ഇന്നിങ്ങ്്സ് ഓപ്പണ് ചെയ്ത ജാക്ക് ലീച്ച് (92), ജേസണ് റോയി (72), ക്യാപ്റ്റന് ജോ റൂട്ട് (31), സാം കറന് (37) എന്നിവരുടെ മികവിലാണ് ഇംഗ്ലണ്ട് സ്കോര് ഉയര്ത്തിയത്.
അയര്ലന്ഡിനായി അഡയറും തോംപ്സണും മൂന്ന് വിക്കറ്റ് വീതം വീഴ്ത്തി. റങ്കിന് രണ്ട് വിക്കറ്റ് ലഭിച്ചു. ആദ്യ ഇന്നിങ്ങ്സില് അഞ്ചു വിക്കറ്റ വീഴ്ത്തിയ ടിം മുര്ത്താഗ ഒരു വിക്കറ്റെടുത്തു.
സ്കോര്ബോര്ഡ്:
ഇംഗ്ലണ്ട്: ഒന്നാം ഇന്നിങ്ങ്സ് 85, രണ്ടാം ഇന്നിങ്്സ് 303. അയര്ലന്ഡ് ഒന്നാം ഇന്നിങ്ങ്സ്: 207.
രണ്ടാം ഇന്നിങ്ങ്സ്: വില്യം പോര്ട്ടര്ഫീല്ഡ് സി ബെയര്സ്റ്റോ ബി വോക്സ് 2, ജെയിംസ് മക്കോളം സി റൂട്ട് ബി വോക്സ് 11, ബാല്ബിര്നി സി റൂട്ട് ബി ബ്രോഡ് 5, സ്റ്റിര്ലിംഗ് ബി വോക്സ് 0, ഒബ്രീന് എല്ബിഡബ്്ളിയു ബി ബ്രോഡ് 4, വില്സണ് എല്ബിഡബ്ളിയു ബി വോക്സ് 0, തോംപ്സണ് സി റൂട്ട് ബി വോക്സ് 4, അഡയര് ബി ബ്രോഡ് 8, മക്ബ്രീന് സി റൂട്ട് ബി ബ്രോഡ് 0, ടിം മുര്ത്താഗ ബി വോക്സ് 2, റങ്കിന് നോട്ടൗട്ട് 0, എക്സ്ട്രാസ് 2, ആകെ 15.4 ഓവറില് 38.
വിക്കറ്റ് വീഴ്ച: 1-11, 2-18, 3-19, 4-24, 5-24, 6-24, 7-32, 8-36, 9-36.
ബൗളിങ്: സ്റ്റുവര്ട്ട്് ബ്രോഡ് 8-3-19-4, ക്രിസ് വോക്സ് 7 ്.4-2-17-6.
