ന്യൂദല്ഹി : രണ്ടാം ചന്ദ്രയാന് വിക്ഷേപണ വിജയത്തിനു പിന്നാലെ ചന്ദ്രയാന് 3 ദൗത്യത്തിനായി ഇന്ത്യന് ബഹിരാകാശ ഗവേഷണകേന്ദ്രം ഒരുങ്ങുന്നു. ജപ്പാന്റെ പങ്കാളിത്തത്തോടെ ചന്ദ്രോപരിതലത്തിലെ പാറയും മണ്ണും ഭൂമിയിലെത്തിച്ചു ഗവേഷണം നടത്താനുള്ള സാധ്യതയാണ് മൂന്നാമത്തേതില് ലക്ഷ്യം വെയ്ക്കുന്നത്.
ചന്ദ്രയാന് 2 പേടകത്തിലെ ലാന്ഡറും റോവറും ചന്ദ്രനിലിറങ്ങി നടത്തുന്ന പരീക്ഷണഫലങ്ങള് കൂടി അവലോകനം ചെയ്തശേഷം ചന്ദ്രയാന് 3 രൂപകല്പന സംബന്ധിച്ച് തീരുനമാനമെടുക്കുക. അഞ്ച് വര്ഷത്തിനകം പദ്ധതി നടപ്പാക്കാനാണ് തീരുമാനം.
ചന്ദ്രന്റെ ദക്ഷിണധ്രുവത്തില് നിന്നുള്ള മണ്ണും കല്ലും ശേഖരിച്ചു പഠനം നടത്താനാണു മൂന്നാം ചാന്ദ്രദൗത്യത്തില് ലക്ഷ്യമിടുന്നത്. ഐഎസ്ആര്ഒ
യുടെ ജിഎസ്എല്വി മാര്ക്ക് 3 റോക്കറ്റ് തന്നെയായിരിക്കും പര്യവേക്ഷണ വാഹനം. എന്നാല്, ചന്ദ്രനില് നിന്നു സാംപിളുകള് ശേഖരിച്ച് തിരികെയെത്തിക്കുക നിലവിലെ സാങ്കേതികവിദ്യയനുസരിച്ചു വലിയ വെല്ലുവിളിയാണ്.
ജപ്പാന് എയ്റോ സ്പേസ് എക്സ്പ്ലൊറേഷന് ഏജന്സിയാണു ചന്ദ്രയാന് 3 ദൗത്യത്തില് ഐഎസ്ആര്ഒയുമായി സഹകരിക്കുക. യുഎസും റഷ്യയും ചൈനയും ചന്ദ്രനിലേക്കുള്ള തുടര്പര്യവേക്ഷണ ദൗത്യങ്ങള്ക്ക് ഒരുങ്ങുന്നതിനിടെയാണ് ഇന്ത്യയും അതിനു തയാറെടുക്കുന്നത്.
