പത്തനംതിട്ട: ഭാരതത്തില് ഗാര്ഹിക സോളാര് മേഖലയ്ക്ക് ലോക ബാങ്ക് 35,000 കോടി രൂപയുടെ ധനസഹായം പ്രഖ്യാപിച്ചു. ലോക ബാങ്ക് എക്സിക്യുട്ടീവ് ഡയറക്ടര് ബോര്ഡ് വാര്ത്താക്കുറിപ്പിലാണ് ഇക്കാര്യം വ്യക്തമാക്കിയത്.
കേരളത്തിലെ ഉപഭോക്താക്കള്ക്ക് ഇത് കൂടുതല് പ്രയോജനപ്പെടും. ഉയര്ന്ന വൈദ്യുതി നിരക്കും വേനല്ക്കാലത്തെ ലോഡ് ഷെഡ്ഡിങ്ങും ഒഴിവാക്കാന് സോളാര് പദ്ധതിയിലേക്ക് കൂടുതല് കുടുംബങ്ങള് മാറാനും കേരളത്തില് വായ്പയും സബ്സിഡിയും വേഗം ലഭിക്കാനും ഇതു സഹായകമാകും. കേന്ദ്ര സര്ക്കാരിന്റെ പിഎം സൂര്യഘര് മുഫ്ത് ബിജിലി യോജന
വഴിയാണ് ഇത് നടപ്പിലാക്കുക.
75 ലക്ഷം വീടുകളില് സോളാര് പാനല് സ്ഥാപിക്കുക, വ്യാവസായിക അടിസ്ഥാനത്തില് ദ്രുതഗതിയിലുള്ള വളര്ച്ച ഉറപ്പാക്കുക, ഗാര്ഹിക സോളര് വൈദ്യുതി ഉത്പാദനം ഗണ്യമായി ഉയര്ത്തുക എന്നിവയാണ് ലോക ബാങ്ക് സഹായത്തിലൂടെ ലക്ഷ്യമിടുന്നത്. 10 വര്ഷമായി ഭാരതത്തില് സോളാര് പദ്ധതി വന് വളര്ച്ച നേടിയിട്ടുണ്ടെന്നും സോളാര് ഉത്പാദനശേഷി 500 മെഗാ വാട്ടില് നിന്ന് 27 ജിഗാ വാട്ടിലേക്ക് ഉയര്ത്താന് ഭാരതത്തിന് സാധിച്ചതായും ലോക ബാങ്കിന്റെ ഭാരതത്തിലെ ആക്ടിങ് കണ്ട്രി ഡയറക്ടര് പോള് പ്രെസി പറഞ്ഞു.
സോളാര് പാനല് ഓളപ്പരപ്പിലേക്കും
രാജ്യത്തെ പുനരുപയോഗ ഊര്ജ ലക്ഷ്യങ്ങള് കൈവരിക്കുന്നതിന്റെ ഭാഗമായി ഫ്ലോട്ടിങ് സോളാര് പാനലുകള് സ്ഥാപിക്കുവാന് കേന്ദ്രം ഊര്ജിത പദ്ധതി ആവിഷ്കരിക്കുന്നുണ്ട്.
ഭൂലഭ്യത കുറയുന്നതിനാലാണ് ജലാശയങ്ങള്ക്ക് മുകളില് സോളാര് പാനല് സ്ഥാപിക്കുന്നത്. രാജ്യത്താകമാനം ഇത് വിപ്ലവകരമായ മാറ്റം വരുത്തുമെന്ന് ന്യൂ ആന്ഡ് റിന്യൂ
വബിള് എനര്ജി സെക്രട്ടറി സന്തോഷ് സാരംഗി നേരത്തേ ചൂണ്ടിക്കാട്ടിയിരുന്നു.
