ടോക്കിയോ: ഇന്ത്യയുടെ സായ് പ്രണീത് ജപ്പാന് ഓപ്പണ് ബാഡ്്മിന്റണ് ചാമ്പ്യന്ഷിപ്പിന്റെ രണ്ടാം റൗണ്ടില് കടന്നു. ആദ്യ റൗണ്ടില് ജപ്പാന്റെ കെന്റോ നിഷിമോട്ടോയെ നേരിട്ടുള്ള ഗെയിമുകള്ക്ക് തോല്പ്പിച്ചു. സ്കോര് 21-17, 21-13. മത്സരം 42 മിനിറ്റ് നീണ്ടു.അണ്സീഡായ സായ് പ്രണീത് രണ്ടാം റൗണ്ടില് കാന്റ സുനേയാമയെ നേരിടും.
മിക്സഡ് ഡബിള്സ് ഇന്ത്യയുടെ രങ്കിറെഡ്ഡി – അശ്വനി പൊന്നപ്പ ടീം ആദ്യ റൗണ്ടില് ജര്മനിയുടെ മെര്വിന്- ലിന്ഡ ടീമിനെ തോല്പ്പിച്ചു. സ്കോര് 21-14, 31-19.
അതേസമയം പുരഷന്മാരുടെ ഡബിള്സില് ഇന്ത്യയുടെ മനു – സുമീത് സഖ്യം ആദ്യ റൗണ്ടില് പുറത്തായി. മലേഷ്യയുടെ ഗോഫ് ഫീ – നൂര് ടീമാണ് ഇന്ത്യന് ടീമിനെ കീഴടക്കിയത്. 12-21, 16-21. ഇന്ത്യയുടെ മുന് നിര താരങ്ങളായ പി.വി. സിന്ധുവും കിഡംബി ശ്രീകാന്തും ഇന്ന് ഇറങ്ങും. അഞ്ചാം സീഡായ സിന്ധു ആദ്യ റൗണ്ടില് ചൈനയുടെ യു ഹാനെയും ശ്രീകാന്ത് ഇന്ത്യയുടെ തന്നെ എച്ച്.എസ്. പ്രണോയിയേയും എതിരിടും.
