ന്യൂദല്ഹി: യുവതാരങ്ങള്ക്കായി ധോണി വഴിമാറിക്കൊടുക്കണമെന്ന്് മുന് ഇന്ത്യന് ക്രിക്കറ്റ് താരവും എം.പിയുമായ ഗൗതം ഗംഭീര്. ധോണി വിരമിക്കാന് ആലോചിക്കുന്നുയെന്ന അഭ്യൂഹങ്ങള്ക്കിടയിലാണ് ഗംഭീറിന്റെ പ്രതികരണം.
2023 ലെ ലോകകപ്പ് മുന്നില് കണ്ടുകൊണ്ട് യുവതാരങ്ങള്ക്ക് ടീമില് അവസരം നല്കണം. യുവതാരങ്ങള്ക്ക് അവസരം നല്കാനുള്ള സമയമാണിത്്. ഋഷഭ് പന്ത്, സഞ്ജു സാംസണ്, ഇഷന് കിഷന് തുടങ്ങിയ കഴിവുളള യുവതാരത്തെ വിക്കറ്റ് കീപ്പറാക്കണം. പുതിയ കീപ്പര്ക്ക് ഒന്നരവര്ഷമെങ്കിലും അവസരം നല്കണം. പ്രകടനം മോശമായാല് വേറെയാളെ പരീക്ഷിക്കണമെന്നും ഗംഭീര് പറഞ്ഞു.
ന്യൂദല്ഹി: വിരമിക്കല് സംബന്ധിച്ച തീരുമാനമെടുക്കാനുള്ള പക്വത ധോണിക്കുണ്ടെന്ന് മുന് ഇന്ത്യന് ക്രിക്കറ്റ് കണ്ട്രോള് ബോര്ഡ്് സെക്രട്ടറി സഞ്ജയ് ജാഗ്ഡേല്.
ധോണി പക്വതയുള്ള കളിക്കാരനാണ്. വിരമിക്കുന്നത് സംബന്ധിച്ച തീരുമാനമെടുക്കാന് അദ്ദേഹത്തിന് കഴിയുമെന്ന് സഞ്ജയ് പറഞ്ഞു. വിന്ഡീസ് പര്യടനത്തിനുള്ള ഇന്ത്യന് ടീമിനെ നാളെ പ്രഖ്യാപിക്കും. ഏകദിനത്തിലെ മികച്ച ഫിനിഷറായിരുന്ന ധോണി ലോകകപ്പില് നിറം മങ്ങിയ സാഹചര്യത്തില് ടീമില് സ്ഥാനം ലഭിക്കാനുളള സാധ്യത കുറവാണ്. ലോകകപ്പിന് ശേഷം ധോണി വിരമിക്കുമെന്ന് അഭ്യൂഹം പരക്കുന്നുണ്ടെങ്കിലും ധോണി ഇതു വരെ ഈക്കാര്യത്തില് മനസു തുറന്നിട്ടില്ല.
