ലണ്ടന്: ഇന്ത്യക്ക് മുന് പാക് പേസ് ബൗളര് ഷൊയ്ബ് അക്തറിന്റെ പിന്തുണ. ലോകകപ്പ് ക്രിക്കറ്റില് ഇന്ത്യ കിരീടമണിയണമെന്നാണ് തന്റെ ആഗ്രഹമെന്ന് അക്തര് പറഞ്ഞു.വിരാട് കോഹ്ലിയുടെ ഇന്ത്യന് ടീം ലോകകപ്പില് മികച്ച പ്രകടനം കാഴ്ചവച്ചുവരുകയാണ്. അവസാന എട്ട് മത്സരങ്ങളില് ഏഴിലും അവര് വജിയിച്ചു.
സെമിയില് ന്യൂസിലന്ഡാണ് ഇന്ത്യയുടെ എതിരാളികള്. അവര്ക്ക് ഇന്ത്യക്ക് മുന്നില് പിടിച്ചുനില്ക്കാനാവില്ല. ലോകകപ്പ് ഇന്ത്യക്ക് ലഭിക്കണമെന്ന്് ആഗ്രഹിക്കുന്നു, അക്തര് യൂട്യുബ് ചാനലിലൂടെ വെളിപ്പെടുത്തി.
രോഹിത് ശര്മ (103), കെ.എല്. രാഹുല് (111)എന്നിവരുടെ സെഞ്ചുറിയുടെ മികവിലാണ് ഇന്ത്യ അവസാന ലീഗ് മത്സരത്തില് ശ്രീലങ്കയെ ഏഴു വിക്കറ്റിന് തോല്പ്പിച്ചത്. രോഹിത് ശര്മയുടെ ടൈമിങ്ങും ഷോട്ട് സെലക്ഷനും അപാരം തന്നെ. മത്സരത്തില് കെ.എല്. രാഹുലും സെഞ്ചുറിയിടിച്ചത് നല്ലകാര്യമാണെന്ന് അക്തര് കൂട്ടിച്ചേര്ത്തു.
