മാഞ്ചസ്റ്റര്: ലോകകപ്പില് ആസ്ട്രേലിയയെ ദക്ഷിണാഫ്രിക്ക 10 റണ്സിന് പരാജയപ്പെടുത്തിയതോടെ പൊയിന്റ് നിലയില് ഇന്ത്യ ഒന്നാമനായി. സെമി ഫൈനലില് ഇന്ത്യക്ക് ന്യൂസിലന്ഡ് ആണ് എതിരാളികള്. രണ്ടാം സ്ഥാനത്തുള്ള ഓസ്ട്രേലിയ ആതിഥേയരായ ഇംഗ്ലണ്ടിനെ നേരിടും.
പ്രാഥമിക റൗണ്ടിലെ അവസാനമത്സരത്തില് ദക്ഷിണാഫ്രിക്കയുടെ 325 റണ്സ് പിന്തുടര്ന്ന ഓസീസ് 49.5 ഓവറില് 315 റണ്സില് പുറത്തായി.
മറുപടി ബാറ്റിംഗില് ഓസീസിനായി വാര്ണറും(122) ക്യാരിയും(85) മാത്രമാണ് തിളങ്ങിയത്. ആരോണ് ഫിഞ്ച്(3), സ്റ്റീവ് സ്മിത്ത്(7), മാര്ക്കസ് സ്റ്റോയിനിസ്(22), ഗ്ലെന് മാക്സ്വെല്(12), പാറ്റ് കമ്മിന്സ്(9), മിച്ചല് സ്റ്റാര്ക്ക്(16), ഉസ്മാന് ഖവാജ(18) എന്നിങ്ങനെയായിരുന്നു മറ്റ് താരങ്ങളുടെ സ്കോര്.
ടോസ് കി്്്ട്ടി ബാറ്റ് ചെയ്ത ദക്ഷിണാഫ്രിക്ക നായകന് ഫാഫ് ഡുപ്ലസിയുടെ സെഞ്ചുറിബലത്തില്(100 റണ്സ്) 50 ഓവറില് ആറ് വിക്കറ്റിന് 325 റണ്സെടുത്തു. ഡുപ്ലസിക്കൊപ്പം മികച്ച കൂട്ടുകെട്ടുണ്ടാക്കിയ ഡസന് സെഞ്ചുറിക്ക് അഞ്ച് റണ്സകലെ പുറത്തായി. മൂന്നാം വിക്കറ്റില് ഇരുവരും കൂട്ടിച്ചേര്ത്ത 151 റണ്സാണ് ദക്ഷിണാഫ്രിക്കയെ മികച്ച സ്കോറിലെത്തിച്ചത്. ഡികോക്ക് 52 റണ്സ് നേടി. ഓസ്ട്രേലിയക്കായി സ്റ്റാര്ക്കും ലിയോണും രണ്ട് വിക്കറ്റ് വീതവും കമ്മിന്സും ബെഹ്റെന്ഡോര്ഫും ഓരോ വിക്കറ്റും വീഴ്ത്തി.
ആസ്ട്രലിയയുടെ തോല്വിക്കൊപ്പം അവസാന മത്സരത്തില് ശ്രീലങ്കയെ തോല്പ്പിച്ചതുമാണ് ഇന്ത്യയെ ഒന്നാം സ്ഥാനത്തെത്തിച്ചത്്. ശ്രീലങ്കയ്ക്കെതിരെ ഇന്ത്യയ്ക്ക് 7 വിക്കറ്റ് ജയമായിരുന്നു. . 265 റണ്സ് വിജയലക്ഷ്യം പിന്തുടര്ന്ന ഇന്ത്യക്ക് ഓപ്പണിംഗ് വിക്കറ്റില് രോഹിത് ശര്മ്മയും ലോകേഷ് രാഹുലും ചോര്ന്ന് മികച്ച തുടക്കമാണ് നല്കിയത്. ഇരുവരും സെഞ്ച്വറി നേടി. രോഹിതിന്റെ ഈ ലോകകപ്പിലെ അഞ്ചാം സെഞ്ച്വറി. ലങ്കയ്ക്ക് ആദ്യ വിക്കറ്റ് സ്വന്തമാക്കാന് 30-ാം ഓവര് വരെ കാത്തിരിക്കേണ്ടി വന്നു. അപ്പോഴേക്കും സെഞ്ചുറി നേടി ടീമിന്റെ വിജയം ഉറപ്പിച്ച് കഴിഞ്ഞാണ് രോഹിത് ശര്മ കസുന് രജിതയ്ക്ക് വിക്കറ്റ് നല്കി മടങ്ങിയത്. 94 പന്തില് 103 റണ്സായിരുന്നു ഹിറ്റ്മാന്റെ സമ്പാദ്യം. രാഹുലും അധികം വൈകാതെ സെഞ്ചുറിയിലേക്കെത്തി. 118 പന്തില് 111 റണ്സ് കൂട്ടുച്ചേര്ത്താണ് രാഹുല് മടങ്ങിയത്. ഋഷഭ് പന്തി(4)ന് കാര്യമയൊന്നും ചെയ്യാനായില്ല.
നായകന് വിരാട് കോലിയും (34) ഹാര്ദിക് പാണ്ഡ്യയും ചേര്ന്ന് 38 പന്തുകള് ബാക്കി നില്ക്കേ ഇന്ത്യയെ വിജയലക്ഷ്യം കടത്തി. ശ്രീലങ്കയ്ക്കായി മലിംഗ, രജിത, ഉദാന എന്നിവര് ഓരോ വിക്കറ്റുകള് വീതം വീഴ്ത്തി.
ഏയ്ഞ്ചലോ മാത്യൂസിന്റെ കരുത്തിലാണ് ഏഴ് വിക്കറ്റ് നഷ്ടത്തില് 264 റണ്സ് ലങ്ക കുറിച്ചത്. ടോസ് നേടി ബാറ്റിംഗ് തെരഞ്ഞെടുത്ത ലങ്കന് നായകന്റെ തീരുമാനം തെറ്റിക്കുന്നതായിരുന്നു ലങ്കയുടെ തുടക്കം. സ്കോര് 60 കടക്കുന്നതിനിടെ തന്നെ നാല് മുന് നിര വിക്കറ്റുകള് വീണു. നാല് വിക്കറ്റിലും ധോണി പങ്കാളിയായി. അഞ്ചാം വിക്കറ്റില് മാത്യൂസും തിരിമന്നെയും ഒന്നിച്ചതോടെ ലങ്കന് സ്കോര് ഉയര്ന്നു. തുടക്കത്തിലേ തകര്ന്ന ലങ്കയ്ക്ക് ഏഞ്ചെലോ മാത്യൂസിന്റെ സെഞ്ച്വറി പ്രകടനമാണ് ഭേദപ്പെട്ട സ്കോര് സമ്മാനിച്ചത്.
തിരിമന്നെ 53 റണ്സും മാത്യൂസ് 113 റണ്സുമെടുത്ത് പുറത്തായി. അവസാന ഓവറുകളില് ധനഞ്ജയ ഡിസില്വയും കൂടി കളിച്ചതോടെയാണ് ലങ്കന് സ്കോര് 250 കടന്നത്. ധനഞ്ജയ 29 റണ്സുമായി പുറത്താകാതെ നിന്നു.
ഇന്ത്യക്കായി ബൂമ്ര മൂന്നും ഭുവനേശ്വര് കുമാര്, ഹര്ദ്ദിക് പാണ്ഡ്യ, കുല്ദീപ് യാദവ്, രവീന്ദ്ര ജഡേജ എന്നിവര് ഓരോ വിക്കറ്റുകളും വീഴ്ത്തി.
