ലീഡ്സ്: ഓപ്പണര് ഇവിന് ലൂയിസ്, ഷായ് ഹോപ്പ്, നിക്കോളസ് പൂരന് എന്നിവരുടെ അര്ധ സെഞ്ചുറികളില് വിന്ഡീസിന് മികച്ച സ്കോര്. ലോകകപ്പിലെ തങ്ങളുടെ അവസാന ലീഗ് മത്സരത്തില് അവര് അഫ്ഗാനിസ്ഥാനെതിരെ 50 ഓവറില് ആറു വിക്കറ്റിന് 311 റണ്സ് എടുത്തു.
ലൂയിസ് 78 പന്തില് ആറ് ഫോറും രണ്ട് സിക്സറും അടക്കം 58 റണ്സ് എടുത്തു. ഷായ് ഹോപ്പ് 92 പന്തില് 77 റണ്സ് നേടി. ആറു ഫോറും രണ്ട് സിക്സറും അടിച്ചു. തകര്ത്തടിച്ച നിക്കോളസ് പൂരന് 43 പന്തില് ആറു ഫോറും ഒരു സിക്സറു ംഅടക്കം 58 റണ്സ് എടുത്തു. ക്യാപ്റ്റന് ഹോള്ഡര് 34 പന്തില് 45 റണ്സ് അടിച്ചെടുത്തു. നാലു സിക്സറും ഒരു ഫോറും ഉള്പ്പെട്ട ഇന്നിങ്ങ്സ്.
ടോസ് നേടി ബാറ്റ് ചെയ്ത വിന്ഡീസിന് ഓപ്പണര് ക്രിസ് ഗെയിലിനെ ഏഴു റണ്സിന് നഷ്ടമായി. ആദ്യ വിക്കറ്റ് വീഴുമ്പോള് വിന്ഡീസ് സ്കോര്ബോര്ഡില് 21 റണ്സ് മാത്രം. ലൂയിസും ഷായ്ഹോപ്പും പിടിച്ചുനിന്നതോടെ സ്കോര് ഉയര്ന്നു. രണ്ടാം വിക്കറ്റില് ഇവര് 88 റണ്സ് കൂട്ടിച്ചേര്ത്തു.
റഷിദ് ഖാന്റെ പന്തില് ലൂയിസ് മുഹമ്മദ് നബിക്ക് ക്യാച്ച് നല്കിയതോടെയാണ് ഈ പാര്ട്നര്ഷിപ്പ് തകര്ന്നത്.
തുടര്ന്നെത്തിയ ഹെറ്റ്മെയറും ഷായ് ഹോപ്പും മൂന്നാം വിക്കറ്റില് 65 റണ്സ് നേടി. ഹെറ്റ്മെയര് 31 പന്തില് 39 റണ്സ് എടുത്തു. ദൗലത്ത് സദ്രാന് വിക്കറ്റ സമ്മാനിച്ചാണ് ഹെറ്റ്മെയര് മടങ്ങിയത്. പിന്നാലെ ഷായ് ഹോപ്പും വീണു. നിക്കോളസ് പൂരനും ക്യാപ്റ്റന് ഹോള്ഡറും അഞ്ചാം വിക്കറ്റില് 105 റണ്സ് അടിച്ചെടുത്തു.
അഫ്ഗാനിസ്ഥാന്റെ ദൗലത്ത് സദ്രാന് ഒമ്പത് ഓവറില് 73 റണ്സിന് രണ്ട് വിക്കറ്റ് വീഴ്ത്തി.
സ്കോര്ബോര്ഡ്
വിന്ഡീസ്: ക്രിസ് ഗെയ്ല് സി അലിഖില് ബി ദൗലത്ത്് 7, ഇ. ലൂയിസ് സി മുഹമ്മദ് നബി ബി റഷിദ് ഖാന് 58, ഷായ് ഹോപ്പ് സി റഷിദ് ഖാന് ബി മുഹമ്മദ് നബി 77, ഹെറ്റ്മെയര് സി നൂര് അലി സദ്രാന് ബി ദൗലത്ത്് സദ്രാന് 39, നിക്കോളസ് പൂരന് റണ്ഔട്ട് 58, ജേസണ് ഹോള്ഡര് സി ദൗലത്ത് ബി സയ്യദ് ഷിര്സാദ് 45, ബ്രാത്ത്വെയ്റ്റ് നോട്ടൗട്ട് 14, അലന് നോട്ടൗട്ട് 0, എക്സ്ട്രാസ് 13 , ആകെ 50 ഓവറില് ആറു വിക്കറ്റിന് 311.
വിക്കറ്റ് വീഴ്ച: 1-21, 2-109, 3-174, 4-192, 5-297, 6-297.
ബൗളിങ്: മുജീബ് ഉര് റഹ് മാന് 10-0-52-0, ദൗലത്ത് സദ്രാന് 9-1-73-2, സയ്യദ് ഷിര്സാദ് 8-0-56-1, ഗുല്ബാന് നെയ്ബ് 3-0-18-0, മുഹമ്മദ് നബി 10-0-56-1, റഷിദ് ഖാന് 10-0-52-1.
