ലണ്ടന്: നിലവിലെ ചാമ്പ്യന്മാരായ ഓസ്ട്രേലിയ, ഇന്ത്യ, ഇംഗ്ലണ്ട് ടീമുകള് ലോകകപ്പ് ക്രിക്കറ്റിന്റെ സെമിഫൈനലില് സ്ഥാനമുറപ്പിച്ചുകഴിഞ്ഞു. നാലാം സ്ഥാനക്കരനെ ഇന്ന് അറിയാം. മുന് ചാമ്പ്യന്മാരായ പാക്കിസ്ഥാനും ന്യൂസിലന്ഡുമാണ് മത്സരം. പാക്കിസ്ഥാന് സാധ്യത വളരെ കൂറവാണ്. ഇന്ന് ബംഗ്ലാദേശിനെതിരെ അത്ഭുത വിജയം നേടിയാലേ പാക്കിന്റെ സെമി സ്വപ്നം പൂവണിയൂ. അല്ലെങ്കില് കിവികള് സെമിയിലേക്ക് മാര്ച്ച് ചെയ്യും.
അവസാന മത്സരത്തില് ന്യൂസിലന്ഡിനെ 119 റണ്സിന് തോല്പ്പിച്ചാണ് ആതിഥേയരായ ഇംഗ്ലണ്ട് സെമിയില് കടന്നത്. ലീഗ് മത്സരങ്ങള് പൂര്ത്തിയാക്കിയ ഇംഗ്ലണ്ട് ഒമ്പത് മത്സരങ്ങളില് 12 പോയിന്റുമായി മൂന്നാം സ്ഥാനത്താണ്. എട്ട് മത്സരങ്ങളില് പതിനാല് പോയിന്റു നേടിയ ഓസ്ട്രേലിയയാണ് ഒന്നാം സ്ഥാനത്ത്. ഇന്ത്യയാണ് രണ്ടാം സ്ഥാനത്ത്. എട്ട് മത്സരങ്ങളില് പതിമൂന്ന് പോയിന്റ്.
ഗ്രൂപ്പ് മത്സരങ്ങള് അവസാനിക്കുമ്പോള് രണ്ട് ടീമുകള്ക്ക് തുല്യപോയിന്റാണ് ലഭിക്കുന്നതെങ്കില് കൂടുതല് വിജയങ്ങള് നേടിയ ടീം സെമിയില് കടക്കും. ഇരു ടീമുകളുടെയും വിജങ്ങള് തുല്യമാണെങ്കില് മികച്ച റണ്റേറ്റുള്ള ടീം സെമിയില് കടക്കും. അഞ്ചു വിജയങ്ങള് നേടിയ ന്യൂസിലന്ഡ് 11 പോയിന്റുമായി നാലാം സ്ഥാനത്താണ്. എട്ട് മത്സരങ്ങളില് നാലു വിജയം നേടിയ പാക്കിസ്ഥാന് ഒമ്പത് പോയിന്റുമായി അഞ്ചാം സ്ഥാനത്താണ്.
ഇന്ന് ലോര്ഡ്സിലെ നിര്ണായക മത്സരത്തില് ബംഗ്ലാദേശിനെ പടുകൂറ്റന് മാര്ജിന് കീഴടക്കണം.
ആദ്യം ബാറ്റ് ചെയ്താല് പാക്കിസ്ഥാന് 350 റണ്സ് നേടുകയും 311 റണ്സിന് ബംഗ്ലാദേശിനെ തോല്പ്പിക്കുകയും വേണം. നാനൂറ് റണ്സാണെടുക്കുന്നതെങ്കില് 316 റണ്സിന്റെ വിജയം നേടണം. ബംഗ്ലാദേശാണ് ആദ്യം ബാറ്റ് ചെയ്യുന്നതെങ്കില് ആദ്യ പന്തെറിയുമ്പോള് തന്നെ പാക്കിസ്ഥാന്റെ സ്വപ്നം എരിഞ്ഞടങ്ങും.
ബംഗ്ലാദേശിനെതിരെ വെറുമൊരു ജയംകൊണ്ട്് മാത്രം പാക്കിസ്ഥാന് ന്യൂസിലന്ഡിനെ മറികടക്കാനാകില്ല. കാരണം റണ് ശരാശരിയില് ന്യൂസിലന്ഡ് ബഹുദൂരം മുന്നിലാണ്.
ഇന്ത്യയ്്ക്കും ഓസ്ട്രേലിയയ്ക്കും ഓരോ മത്സരങ്ങള് കൂടിയുണ്ട്. ഈ മത്സരങ്ങള് പൂര്ത്തിയാലേ ഒന്നാം സ്ഥാനക്കാരെ നിശ്ചയിക്കനാകൂ. നാളെ നടക്കുന്ന മത്സരങ്ങളില് ഇന്ത്യ ശ്രീലങ്കയേയും ഓസ്ട്രേലിയ ദക്ഷിണാഫ്രിക്കയേയും നേരിടും.
ഓസ്ട്രേലിയ ദക്ഷിണാഫ്രിക്കയെ തോല്പ്പിച്ചാല് അവര് ഒന്നാം സ്ഥാനക്കാരാകും. ഓസ്ട്രേലിയ തോല്ക്കുകയും ഇന്ത്യ ശ്രീലങ്കയെ കീഴടക്കുകയും ചെയ്താല് ഇന്ത്യ ഒന്നാം സ്ഥാനത്തെത്തും അതേസമയം ഇന്ത്യയും ഓസ്ട്രേലിയയും തോറ്റാല് ഓസ്ട്രേലിയ ഒന്നാം സ്ഥാനക്കാരാകും.
ലീഗിലെ ഒന്നാം സ്ഥാനക്കാരും നാലാം സ്ഥാനക്കാരുമാണ് ആദ്യ സെമിയില് ഏറ്റുമുട്ടുക. രണ്ടാം സെമയില് രണ്ടാം സ്ഥാനക്കാരും മൂന്നാം സ്ഥാനക്കാരും ഏറ്റുമുട്ടും.
പോയിന്റ് നിലയില് ഇന്ത്യ രണ്ടാം സ്ഥാനത്തെത്തിയാല് ആതിഥേയരായ ഇംഗ്ലണ്ടാകും എതിരാളികള്. എഡ്ജ്ബാസ്റ്റണിലാകും ഈ സെമിഫൈനല് നടക്കുക. ഇവിടെ നടന്ന ലീഗ് മത്സരത്തില് ഇംഗ്ലണ്ട് ഇന്ത്യയെ തോല്പ്പിച്ചിരുന്നു.
സെമിയില് ഇംഗ്ലണ്ടാണ് എതിരാളികളെങ്കില് ഇന്ത്യക്ക്് ശക്തമായ പോരാട്ടം തന്നെ കാഴ്ചവയ്ക്കേണ്ടിവരും. ഓസ്ട്രേലിയ ഒന്നാം സ്ഥാനത്തെത്തിയാല് മിക്കവാറും ന്യൂസിലന്ഡാകും എതിരാളികള്. 2015 ലോകകപ്പ് ഫൈനലിന്റെ ആവര്ത്തനമാകും ഈ മത്സരം. അന്ന്് ന്യൂസിലന്ഡിനെ തോല്പ്പിച്ച് ഓസ്്ട്രേലിയ കിരീടം ചൂടി.
