ബര്മിങ്ഹാം: വിജയ് ശങ്കറിനെ പിന്തുണച്ച് വിരാട് കോഹ്ലി. വിജയ് ശങ്കര് മികച്ചൊരു ഇന്നിങ്ങ്സിലേക്കുള്ള വഴിയിലാണെന്ന് കോഹ്ലി പറഞ്ഞു. ഇന്ത്യ- ഇംഗ്ലണ്ട് മത്സരത്തിന് മുന്നോടിയായുളള പത്രസമ്മേളനത്തില് സംസാരിക്കുകയായിരുന്നു കോഹ്ലി.
വിജയ് ശങ്കറില് കോഹ്ലി വിശ്വാസമര്പ്പിച്ചതോടെ യുവതാരം ഋഷഭ്് പന്തിന് ആദ്യ മത്സരം കളിക്കാന് കാത്തിരിക്കേണ്ടിവരും.
പാക്കിസ്ഥാനെതിരെ വിജയ് ശങ്കര് മികവ് കാട്ടി. ബാറ്റിങ് ദുഷ്ക്കരമായ പിച്ചില് അഫ്ഗാനിസ്ഥാനെതിരെയും പൊരുതി. വിന്ഡീസിനെതിരായ അവസാന മത്സരത്തിലും മികച്ച രീതിയിലാണ് ബാറ്റ് വീശിയത്. കെമര് റോച്ചിന്റെ മനോഹരമായ പന്തിലാണ് വിജയ് പുറത്തായതെന്നും കോഹ് ലി പറഞ്ഞു.
അഫ്ഗാനിസ്ഥാനെതിരെ 29 റണ്സ് നേടിയ വിജയ് ശങ്കര് ക്യാപ്റ്റന് കോഹ്ലിയുമൊത്ത് അമ്പതില് കൂടുതല് റണ്സിന്റെ കൂട്ടുകെട്ടുമുണ്ടാക്കി.
