മാവേലിക്കര: ഇടവഴിയില് മരം വീണതുമൂലം യാത്രക്കാര്ക്ക് ദുരിതം. കനത്ത മഴയില് റോഡിലാകെ വെള്ളക്കെട്ടുമായി. ചെട്ടികുളങ്ങര പടിഞ്ഞാറ് ദിവ്യ ഓഡിറ്റോറിയത്തിന് മുന്നില് നിന്നും സംസ്ഥാനപാതയിലേക്ക് കയറുന്ന ഇടറോഡിലാണ് മരം മുറിഞ്ഞുവീണത്. കഴിഞ്ഞദിവസം രാത്രിയില് ഉണ്ടായ മഴയിലാണ് ഇത് സംഭവിച്ചതെന്ന് പ്രദേശവാസികള് പറയുന്നു.
രണ്ടു ദിവസമായി ഗതാഗതം തടസപ്പെടുത്തി മരം റോഡില് കിടന്നിട്ടും വെട്ടിമാറ്റാന് അധികൃതര് തയാറായിട്ടില്ല. ദീര്ഘനാളായി ഉണങ്ങി വീഴാറായി നില്ക്കുകയായിരുന്നു മരം. അന്ന് വെട്ടിമാറ്റണമെന്ന ആവശ്യപ്പെട്ടെങ്കിലും ചെയ്തില്ല. മരം വീണതിനു ശേഷവും വെട്ടിമാറ്റാത്ത അധികൃതരുടെ നിലപാടില് പ്രതിഷേധവും ഉയര്ന്നിട്ടുണ്ട്.
താഴ്ന്ന പ്രദേശമായതിനാല് നേരത്തെ മുതല്ക്കെ ഇവിടെ വെള്ളക്കെട്ട് പതിവാണ്. മഴ കൂടി ശക്തമായതോടെ വെള്ളക്കെട്ടിന്റെ ഉയരവും വര്ധിച്ചു. ഓടയിലേക്ക് ഒഴുകിപോകാനുള്ള മാര്ഗവും ഇല്ല. എത്രയുംവേഗം വെള്ളക്കെട്ടിനും ദുരിതത്തിനും പരിഹാരം ഉണ്ടാകണമെന്ന് നാട്ടുകാര് ആവശ്യപ്പെട്ടു.
