കൊച്ചി: മുന് മന്ത്രി വി വിശ്വനാഥ മേനോന്(92) അന്തരിച്ചു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം.അഡ്വ. അമ്പാടി നാരായണ മേനോന്റെയും വടക്കൂട്ട് ലക്ഷ്മിക്കുട്ടിയമ്മയുടെയും മകനായി 1927 ജനുവരി 15 ന് എറണാകുളത്താണ് വിശ്വനാഥ മേനോന് ജനിച്ചത്.
എറണാകുളം ശ്രീരാമവര്മ സ്കൂളിലും മഹാരാജാസ് കോളേജിലും മുംബൈ ലോ കോളേജിലുമായി വിദ്യാഭ്യാസം പൂര്ത്തിയാക്കി. ഹൈക്കോടതിയിലും മറ്റ് കോടതികളിലും അഭിഭാഷകനായിരുന്നു.
1987 ലെ നിയമസഭാ തെരഞ്ഞെടുപ്പില് തൃപ്പൂണിത്തുറ നിയമസഭാ മണ്ഡലത്തില് നിന്ന് മല്സരിച്ചു വിജയിച്ച് ഇ കെ നായനാര് മന്ത്രിസഭയില് ധനകാര്യ മന്ത്രിയായി. പില്ക്കാലത്ത് അദ്ദേഹം കുറച്ചു കാലം പാര്ട്ടി പ്രവര്ത്തനങ്ങളില് നിന്ന് വിട്ടു നിന്നിരുന്നു. ആത്മകഥയായ ‘കാലത്തിനൊപ്പം മായാത്ത ഓര്മകള്’ ഗാന്ധിയുടെ പീഡാനുഭവങ്ങള് (നാടക വിവര്ത്തനം) , മറുവാക്ക് (ലേഖന സമാഹാരം) എന്നീ ഗ്രന്ഥങ്ങള് രചിച്ചു.
ഭാര്യ: കെ പ്രഭാവതി മേനോന് (റിട്ട. ടീച്ചര്) മക്കള്: അഡ്വ. വി അജിത് നാരായണന് (മുന് സീനിയര് ഗവ. പ്ലീഡര്) ഡോ. വി മാധവചന്ദ്രന്, മരുമക്കള്: ഡോ. ശ്രീജ അജിത് (അസി. പ്രൊഫസര് സെന്റ് പീറ്റേഴ്സ് കോളേജ്, കോലഞ്ചേരി) പ്രീതി മാധവ് (അസി. പ്രൊഫസര് എംഇഎസ് കോളേജ്, എടത്തല) .
പ്രതികരിക്കാൻ ഇവിടെ എഴുതുക: