ന്യൂദല്ഹി : ശ്രീലങ്കന് ഭീകരാക്രമണത്തിന് പിന്നാലെ ഐഎസ് തലവന് അബൂബക്കര് അല് ബാഗ്ദാദിയുടെ വീഡിയോ ലപുറത്ത് അഞ്ച് വര്ഷങ്ങള്ക്ക് ശേഷമാണ് ബാഗാദാദി വീഡിയോയില് പ്രത്യക്ഷപ്പെടുന്നത്. ഇതിനു മുമ്പ് 2014 ജൂലൈലാണ് ബാദ്ഗാദി ക്യാമറയ്ക്ക് മുന്നില് വന്നത്.
ഐഎസിന്റെ ശക്തി കേന്ദ്രങ്ങളിലൊന്നായിരുന്ന ബാഗൂസിലുണ്ടായ തിരിച്ചടിക്ക് ശക്തമായി പകരം വീട്ടുമെന്ന മുന്നറിയിപ്പാണ് ബാഗ്ദാദി വീഡിയോയിലൂടെ നല്കുന്നത്. ശ്രീലങ്കയില് നടന്ന ഭീകരാക്രമണത്തെക്കുറിച്ചും വീഡിയോയില് പരാമര്ശിക്കുന്നുണ്ട്.
18 മിനിട്ട് നീണ്ട് നില്ക്കുന്ന വീഡിയോയില് കിഴക്കന് സിറിയയിലെ പോരാട്ടത്തെക്കുറിച്ചാണ് ഇയാള് കൂടുതലായും വീഡിയോയില് സംസാരിക്കുന്നത്. എന്നാല് ഇത് എവിടെ വച്ച് എപ്പോള് ചിത്രീകരിച്ചുവെന്ന കാര്യത്തില് വ്യക്തതയില്ലെന്നും ഇത് പുതിയതായി ചിത്രീകരിച്ചതാണെന്നാണ് വിലയിരുത്തല്. ഇതില് കൊല്ലപ്പെട്ട ഐഎസ് ഭീകരര്ക്ക് വേണ്ടി പ്രതികാരം ചെയ്യുമെന്നും കൂടുതല് തിരിച്ചടികള് ഉണ്ടാകുമെന്നും ഇയാള് പറയുന്നുണ്ട്.
മുറിക്കുള്ളില് മറ്റ് മൂന്ന് പേരുമായി സംസാരിക്കുന്ന വിധമാണ് വീഡിയോയുടെ ചിത്രീകരണം. അബൂബക്കര് ഒഴികെയുള്ളവരുടെ മുഖം മറച്ച നിലയിലാണ്. ദൃശ്യങ്ങള് പുറത്തു വിട്ടത് സ്ഥിരമായി ഐഎസിന്റെ വീഡിയോകളും മറ്റും നല്കുന്ന അല് ഫര്റാന് മിഡീയ ഗ്രൂപ്പാണ്. അതിനാല് വീഡിയോ വിശ്വസനീയമാണെന്നാണ് ഇന്റലിജെന്സ് ഏജന്സികള് വിലയിരുത്തുന്നത്.
2014ല് സിറിയയിലും ഇറാഖിലും ഖിലാഫത്ത് പ്രഖ്യാപിക്കാന് മൊസൂളിലാണ് ഇയാള് അവസാനമായി ജനങ്ങള്ക്ക് മുന്നിലെത്തിയത്. അതിനുശേഷം കഴിഞ്ഞ വര്ഷം ആഗസ്തില് 55 മിനിട്ട് നീളുന്ന ബാഗ്ദാദിയുടെ ഓഡിയോയും പുറത്തുവിട്ടിരുന്നു. ഇതിന് ശേഷം ഇയാളെ കുറിച്ച് വിവരങ്ങളൊന്നും ഉണ്ടായിരുന്നില്ല.
