തിരുവനന്തപുരം: വയനാട്ടില് നാമ നിര്ദ്ദേശ പത്രിക സമര്പ്പിക്കാന് എത്തിയപ്പോള് കോണ്ഗ്രസ് അധ്യക്ഷന് രാഹുല് ഗാന്ധി പങ്കെടുത്ത റോഡ് ഷോയ്ക്കിടെ പാക് പതാക വീശിയെന്ന പരാതിയില് മുഖ്യതെരഞ്ഞെടുപ്പ് ഓഫീസര് ടീക്കാറാം മീണ വിശദീകരണം തേടി. കണ്ണൂര് വളപട്ടണം സ്വദേശി കെ.എ ഷാജ് പ്രശാന്ത് നല്കിയ പരാതിയിലാണ് നടപടി.
പരാതി അന്വേഷിച്ച് അടിയന്തിരമായി റിപ്പോര്ട്ട് നല്കണമെന്ന് ജില്ലാ കളക്ടര്ക്ക് ടിക്കാറാം മീണ കര്ശ്ശന നിര്ദ്ദേശം നല്കിയിട്ടുണ്ട്. ദൃശ്യങ്ങള് പരിശോധിച്ച ശേഷം റിപ്പോര്ട്ട് നല്കുമെന്ന് ജില്ലാ കളക്ടര് വ്യക്തമാക്കി.
ബിജെപി നേതാവ് അഡ്വ.പ്രേരണകുമാരി രാഹുല് ഗാന്ധിയുടെ പരിപാടിയില് പാക്കിസ്ഥാന് പതാക വീശിയെന്ന് ട്വീറ്റ് ചെയ്തിരുന്നു. ഇത് സത്യമാണെങ്കില് കേസെടുക്കണമെന്നും ടിക്കാറാം മീണ ആവശ്യപ്പെട്ടിട്ടുണ്ട്.
പ്രതികരിക്കാൻ ഇവിടെ എഴുതുക: