കൊച്ചി: സഭാ ഭൂമിയിടപാടില് കര്ദിനാള് മാര് ജോര്ജ് ആലഞ്ചേരിയ്ക്കെതിരെ കേസെടുത്തു. കോടതി നിര്ദ്ദേശപ്രകാരം എറണാകുളം സെന്ട്രല് പോലീസാണ് കേസെടുത്തത്. കേസില് കര്ദിനാള് ജോര്ജ് ആലഞ്ചേരി ഉള്പ്പടെ 26 പേരാണ് പ്രതിപ്പട്ടികയില് ഉള്പ്പെട്ടിരിക്കുന്നത്.
സീറോ മലബാര് സഭയുടെ ഉടമസ്ഥതയിലുള്ള ഭൂമികളുടെ വില്പ്പനയില് സഭയ്ക്ക് കോടികള് നഷ്ടം സംഭവിച്ചു എന്നാരോപിച്ച് എറണാകുളം സ്വദേശി പാപ്പച്ചന് നല്കിയ ഹര്ജിയിലാണ് കേസെടുത്തിരിക്കുന്നത്. കര്ദ്ദിനാള് മാര് ജോര്ജ്ജ് ആലഞ്ചേരി, സഭ പ്രൊക്യൂറേറ്ററായിരുന്ന ഫാദര് ജോഷി പുതുവ, ഇടനിലക്കാരന് സാജു വര്ഗ്ഗീസ് തുടങ്ങിയവര്ക്കെതിരെ കേസെടുക്കാ എറണാകുളം ചീഫ് ജുഡീഷ്യല് മജിസ്ട്രേറ്റാണ് ുത്തരവിട്ടത്.
സംഭവത്തില് എറണാകുളം സെന്ട്രല് പൊലീസിനോട് കേസെടുത്ത് അന്വേഷിക്കാനും കോടതി ഉത്തരവിട്ടിരുന്നു. ഈ കേസില് അന്വേഷണം ആവശ്യപ്പെട്ട് ഹര്ജിക്കാരന് നേരത്തെ എറണാകുളം സെന്ട്രല് പൊലീസ് സ്റ്റേഷനില് പരാതി കൊടുത്തിരുന്നെങ്കിലും കേസ് എടുത്തിരുന്നില്ല. ഇതിനെ തുടര്ന്നാണ് കോടതിയെ സമീപിച്ചത്. ഭൂമി ഇടപാടുമായി ബന്ധപ്പെട്ട് പല കോടതികളിലായി ഏഴു കേസുകളാണ് നിലവിലുള്ളത്.
പ്രതികരിക്കാൻ ഇവിടെ എഴുതുക: