കൊച്ചി : ഞാറയ്ക്കലിലെ കുഴിപ്പള്ളി ബീച്ചില് ഇന്നലെ രണ്ട് പെണ്കുട്ടികളെ കാണാതായ സംഭവത്തിന് പിന്നില് ലഹരി സംഘം. ഇവര് പെണ്കുട്ടികളെ കടത്താനുള്ള ശ്രമമായിരുന്നെന്നും പോലീസ് അറിയിച്ചു.
സംഭവവുമായി ബന്ധപ്പെട്ട് മൂന്ന് പേരെ പോലീസ് കസ്റ്റഡിയിലെടുത്തു. വിഷ്ണു, ഷിജില്, നജ്മല് എന്നിവരാണ് പിടിയിലായത്. ഇവര്ക്കെതിരെ പോക്സോ നിയമപ്രകാരവും കേസെടുത്തിട്ടുണ്ട്. ഞായറാഴ്ച രാവിലെയാണ് കുഴിപ്പള്ളി ബീച്ചില് നിന്ന് രണ്ട് പെണ്കുട്ടികളെ കാണാതായത്. കുഴിപ്പള്ളി സ്വദേശിനികളായ സ്നേഹ, വിസ്മയ എന്നിവരെയാണ് കാണാതായത്.
നാട്ടുകാരും കോസ്റ്റല് പോലീസും കോസ്റ്റ് ഗാര്ഡും ചേര്ന്ന് നടത്തിയ തെരച്ചിലില് പിന്നീട് പെണ്കുട്ടികളെ കണ്ടെത്തിയിരുന്നു. പരിക്കൊന്നും കൂടാതെയാണ് പെണ്കുട്ടികളെ കണ്ടെത്തിയത്.
പ്രതികരിക്കാൻ ഇവിടെ എഴുതുക: