കൊച്ചി: കേരളത്തിലെ മഹാ പ്രളയത്തിന് കാരണം അശാസ്ത്രീയമായി ഡാം തുറന്നുവിട്ടതാണെന്ന അമിക്കസ് ക്യൂറി റിപ്പോര്ട്ടിനെ തുടര്ന്ന് സിപിഎമ്മിനെയും മന്ത്രി എംഎം മണിയെയും ട്രോളി രാഷ്ട്രീയ നിരീക്ഷകന് അഡ്വ. എ ജയശങ്കര് രംഗത്തെത്തി. ഇത് ഭയങ്കര മറ്റേപ്പണി ആയിപ്പോയി എന്ന തലക്കെട്ടോടെ തന്റെ ഫേസ്ബുക്കിലിട്ട കുറിപ്പിലാണ് പരിഹാസം.
ഈ തെരഞ്ഞെടുപ്പ് അടുത്ത കാലത്താണ് അമിക്കസ് ക്യൂറിയുടെ ഒലത്തിയ റിപ്പോര്ട്ട്. അതും നമുക്കു വേണ്ടി നാം സൃഷ്ടിച്ച നമ്മുടെ സ്വന്തം പ്രളയത്തെ കുറിച്ച്. അതും പോരാ, ഇനി ജുഡീഷ്യല് അന്വേഷണവും നടത്തണം പോലും.
അമിക്കസ് ക്യൂറി അമേരിക്കന് ഏജന്റാണ്. കേരളത്തിലെ ഇടതുപക്ഷ പുരോഗമന മതേതര സര്ക്കാരിനെ അട്ടിമറിക്കാനും അതുവഴി നവോത്ഥാനത്തെ പുറകോട്ടടിക്കാനുമുളള സാമ്രാജ്യത്വ ഗൂഢാലോചനയുടെ ദുര്ഭഗ സന്തതിയാണ് ഈ റിപ്പോര്ട്ട്. അമിക്കസ് ക്യൂറി റിപ്പോര്ട്ടിനെതിരെ വര്ഗ ബഹുജന സംഘടനകളും സാംസ്കാരിക നായകരും ഉടന് രംഗത്തു വരുമെന്നും പരിഹാസരൂപേണ ജയശങ്കര് പറഞ്ഞു.
കൂടാതെ അമിക്കസ് ക്യൂറി അറബിക്കടലില് എന്ന ഹാഷ്ടാഗും ജയശങ്കര് തന്റെ പോസ്റ്റിനൊപ്പം ഉപയോഗിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: