വാഷിങ്ടണ്: പുല്വാമയില് ഇന്ത്യന് സൈന്യത്തിന് നേരെ ആക്രമണമുണ്ടായതിന് പിന്നാലെ തങ്ങളുടെ പൗരന്മാര്ക്ക് മുന്നറിയിപ്പുമായി അമേരിക്ക. പാകിസ്ഥാനിലേക്ക് യാത്ര ചെയ്യുന്നത് ഒഴിവാക്കണമെന്ന് അമേരിക്കന് വിദേശകാര്യമന്ത്രാലയം പുറപ്പെടുവിച്ച ജാഗ്രതാ നിര്ദേശത്തില് പറയുന്നു.
ഭീകരാക്രമണം ചൂണ്ടിക്കാട്ടിയാണ് പാകിസ്താനിലേക്കുള്ള യാത്ര ഒഴിവാക്കണം എന്ന് അമേരിക്ക ആവശ്യപ്പെട്ടിരിക്കുന്നത്
പുല്വാമയില് സൈനികര്ക്ക് നേരെയുണ്ടായ ഭീകരാക്രമണത്തിന്റെ പശ്ചാത്തലത്തില് പാകിസ്ഥാന് മുന്നറിയിപ്പുമായി അമേരിക്ക നേരത്തെ രംഗത്തു വന്നിരുന്നു. ഭീകരവാദികള്ക്ക് സഹായം നല്കുന്ന പാകിസ്ഥാന് നടപടി അടിയന്തിരമായി അവസാനിപ്പിക്കണമെന്ന് എന്ന് വൈറ്റ് ഹൗസ് പ്രസ്താവനയിലൂടെ ആവശ്യപ്പെട്ടു. എന്നാല് ആക്രമണത്തില് പങ്കില്ലെന്നും അത്തരം ആരോപണങ്ങള് അടിസ്ഥാന രഹിതമാണെന്നും വ്യക്തമാക്കി പാകിസ്ഥാന് വാര്ത്താ കുറിപ്പ് ഇറക്കി.
