കൊളംബോ: ആഭ്യന്തര ക്രിക്കറ്റില് ഇരട്ടസെഞ്ചുറികളുടെ പെരുമഴ തീര്ത്ത് ശ്രീലങ്കന് താരം ഏയ്ഞ്ചലോ പെരേര. രണ്ട് ഇന്നിങ്സിലും ഇരട്ട സെഞ്ചുറി നേടിയ ഏയ്ഞ്ചലോ പെരേരയ്ക്ക് മുന്നില് വഴിമാറിയത് 80 വര്ഷം പഴക്കമുള്ള റെക്കോഡ്.
സിന്ഹാലിസ് സ്പോര്ട്സ് ക്ലബ്ബിനെതിരെ നടന്ന ശ്രീലങ്കന് ആഭ്യന്തര ക്രിക്കറ്റിലായിരുന്നു ഏയ്ഞ്ചലോ പെരേരയുടെ ഇരട്ട ഡബിള് സെഞ്ചുറികള്. ആദ്യ ഇന്നിങ്സില് 203 പന്തുകളില്നിന്ന് 201 റണ്സ് നേടിയ താരം രണ്ടാം ഇന്നിങ്സില് 268 പന്തുകളില്നിന്ന് 231 റണ്സ് നേടി ചരിത്രം കുറിക്കുകയായിരുന്നു. രണ്ട് ഇന്നിങ്സുകളില്നിന്നുമായി ഏയ്ഞ്ചലോ അടിച്ചുകൂട്ടിയത് 40 ഫോറുകളും നാല് സിക്സുകളും.
ഇരുന്നൂറ് വര്ഷം പഴക്കമുള്ള ആഭ്യന്തര ക്രിക്കറ്റിന്റെ ചരിത്രത്തില് രണ്ട് ഇന്നിങ്സുകളിലും ഇരട്ട സെഞ്ചുറി തികയ്ക്കുന്ന രണ്ടാമത്തെ താരമാണ് ഏയ്ഞ്ചലോ പെരേര. 1938ല് ഇംഗ്ലണ്ട് താരം ആര്തര് ഫാഗ് രണ്ട് ഇന്നിങ്സുകളിലും ഇരട്ട സെഞ്ചുറി നേടി ചരിത്രം സൃഷ്ടിച്ചിരുന്നു. ആദ്യ ഇന്നിങ്സില് 244 റണ്സും രണ്ടാം ഇന്നിങ്സില് 202 റണ്സുമാണ് ആര്തര് അടിച്ചുകൂട്ടിയത്. ശ്രീലങ്കന് ആഭ്യന്തര മത്സരങ്ങളില് ഒന്നിലധികം തവണ ഇരട്ട സെഞ്ചുറി നേടിയ ആദ്യ താരവും ഏയ്ഞ്ചലോയാണ്. 2013ല് ബംഗ്ലാദേശിനെതിരെ അരങ്ങേറ്റം കുറിച്ച ഏയ്ഞ്ചലോ പെരേര രണ്ട് ട്വന്റി 20കളിലും നാല് ഏകദിന മത്സരങ്ങളിലും ശ്രീലങ്കന് കുപ്പായമണിഞ്ഞിട്ടുണ്ട്.
