തിരുവനന്തപുരം: അയിരൂര് ചെറുകോല്പ്പുഴ ഹിന്ദുമതപരിഷത് ഉപരാഷ്ട്രപതി എം. വെങ്കയ്യ നായിഡു ഉദ്ഘാടനം ചെയ്യും. ചടങ്ങില് ചിന്മയാ മിഷന് കേരള ഘടകം മേധാവി സ്വാമി വിവിക്താനന്ദ സരസ്വതി അധ്യക്ഷത വഹിക്കും. ഈ വര്ഷത്തെ വിദ്യാധിരാജ ദര്ശന പുരസ്കാരം സമ്മാനിച്ച് അശ്വതി തിരുനാള് ഗൗരി ലക്ഷ്മി ഭായിയെ ആദരിക്കും. ഫെബ്രുവരി മൂന്നു മുതല് 10 വരെയാണ് 107-ാമത് ഹിന്ദുമതപരിഷത്ത്. സമാപനസമ്മേളനം മിസോറാം ഗവര്ണര് കുമ്മനം രാജശേഖരന് ഉദ്ഘാടനം ചെയ്യും.
കേന്ദ്രമന്ത്രി അല്ഫോണ്സ് കണ്ണന്താനം, പ്രതിപക്ഷനേതാവ് രമേശ്ചെന്നിത്തല, മന്ത്രിമാരായ കെ. കൃഷ്ണന്കുട്ടി, രാമചന്ദ്രന് കടന്നപ്പള്ളി, എംഎല്എമാരായ ഒ. രാജഗോപാല്, രാജുഎബ്രഹാം, പി.സി. ജോര്ജ്, എന്.കെ. പ്രേമചന്ദ്രന് എംപി, പ്രജ്ഞാപ്രവാഹ് ദേശീയ സംയോജകന് ജെ. നന്ദകുമാര്, ബിജെപി സംസ്ഥാന അധ്യക്ഷന് അഡ്വ. പി.എസ്. ശ്രീധരന് പിള്ള, വെള്ളിമല വിവേകാനന്ദാശ്രമത്തിലെ സ്വാമി ചൈതാന്യാനന്ദ, ഹിന്ദുഐക്യവേദി സംസ്ഥാന അധ്യക്ഷ കെ.പി. ശശികല ടീച്ചര്, രാജ്യസഭ മുന് ഉപാധ്യക്ഷന് പി.ജെ. കുര്യന് തുടങ്ങി രാഷ്ട്രീയ സാംസ്കാരിക ആധ്യാത്മിക രംഗത്തെ പ്രമുഖര് പങ്കെടുക്കും.
പ്രഭാഷണങ്ങള്-ഫെബ്രുവരി മൂന്നിന് വൈകിട്ട് ഏഴിന് ദേശീയ സന്ന്യാസിസഭ ജനറല് സെക്രട്ടറി സ്വാമി പ്രഭാകരാനന്ദ സരസ്വതി, നാലാം തീയതി വൈകിട്ട് ഏഴിന് സ്വാമി ഉദിത് ചൈതന്യ. അഞ്ചിന് വിശ്വസംസ്കൃത പ്രതിഷ്ഠാന് കേരള ഉപാധ്യക്ഷന് ഡോ. ഇ.എന്. ഈശ്വരന് നമ്പൂതിരി, ഏഴിന് ഡോ. എന്. ഗോപാലകൃഷ്ണന്.
ആറിന് മൂന്നുമണിക്ക് ഉപനിഷത് ദര്ശന സമ്മേളനം ശാന്തിഗിരി ആശ്രമം ഓര്ഗനൈസിങ് സെക്രട്ടറി ഗുരുരത്നം ജ്ഞാന തപസ്വി ഉദ്ഘാടനം നിര്വഹിക്കും. ഏഴിന് ഹിന്ദുെഎക്യവേദി സംസ്ഥാന അധ്യക്ഷ കെ.പി. ശശികല ടീച്ചറുടെ പ്രഭാഷണം. അഞ്ചിന് അയ്യപ്പ ഭക്തജന സമ്മേളനം അയ്യപ്പ സേവാസമാജം ദേശീയ വൈസ് പ്രസിഡന്റ് സ്വാമി അയ്യപ്പദാസ് ഉദ്ഘാടനം ചെയ്യും. 6.45ന് പ്രഭാഷണം ശ്രീധരസ്വാമികള്.
എട്ടിന് ആചാര്യാനുസ്മരണ സമ്മേളനം പ്രജ്ഞാപ്രവാഹ് ദേശീയ സംയോജകന് ജെ. നന്ദകുമാര് ഉദ്ഘാടനം ചെയ്യും. ഒമ്പതിന് വനിതാസമ്മേളനത്തിന്റെ ഉദ്ഘാടനം കൊളത്തൂര് അദ്വൈതാശ്രമത്തിലെ സ്വാമിനി ശിവാനന്ദപുരി നിര്വഹിക്കും. 10ന് സമാപന സമ്മേളനത്തില് അമൃതാനന്ദമയി മഠത്തിലെ സ്വാമി പൂര്ണാമൃതാനന്ദപുരി സമാപന സന്ദേശം നല്കും.
വാര്ത്താസമ്മേളനത്തില് ഹിന്ദുമത മഹാമണ്ഡലം വൈസ്പ്രസിഡന്റ് പി.എസ്. നായര്, ട്രഷറര് ടി.കെ. സോമനാഥന് നായര്, പബ്ലിസിറ്റി കണ്വീനര് എം. അയ്യപ്പന്കുട്ടി, എക്സിക്യൂട്ടീവ് അംഗങ്ങളായ ജി. കൃഷ്ണകുമാര്, കെ.പി.സോമന് എന്നിവര് പങ്കെടുത്തു.
