തിരുവനന്തപുരം : ആചാര ലംഘനത്തിനെതിരെ പ്രതിഷേധിക്കുന്ന ഭക്തര്‍ക്ക് നേരെ സിപിഎം അക്രമം. തിരുവനന്തപുരത്ത് ബിജെപി ആര്‍ എസ് എസ് പ്രവര്‍ത്തകരുടെ വീടുകള്‍ക്ക് നേരെയും അക്രമം ഉണ്ടായി.
വെള്ളനാട് ഖണ്ട് കാര്യവാഹ് പനയ്‌ക്കോട് വിഷ്ണുവിന്റെ വീടിനുനേരെ സിപിഎം ബോംബെറിഞ്ഞു.നെയ്യാര്‍ ഡാം നിരപ്പുകാലയില്‍ ആര്‍ എസ് എസ് പ്രവര്‍ത്തകന്‍ ഷിബുവിന്റെ വീടിനു നേരെ കല്ലെറിഞ്ഞ സിപിഎം ഗുണ്ടകള്‍ ജനല്‍ ചില്ലുകളും വാതിലും കാറും ബൈക്കും കമ്പിപ്പാരയ്‌ക്കടിച്ചും ,കല്ലെറിഞ്ഞും തകര്‍ത്തു.ഷിബുവിന്റെ രോഗശയ്യയില്‍ കിടക്കുന്ന അച്ഛന്‍ തലനാരിഴയ്‌ക്ക് പരിക്കുകളോടെ രക്ഷപ്പെട്ടു.
ആറോളം ബൈക്കില്‍ എത്തിയ 12 അംഗ ഡിവൈഎഫ് ഐ,സിപിഎം ഗുണ്ടകളാണ് ആക്രമണം നടത്തിയതെന്നു വീട്ടുകാര്‍ പറഞ്ഞു.
മലയിന്‍കീഴും നെടുമങ്ങാടും കഴിഞ്ഞ ദിവസം ഭക്തര്‍ക്ക് നേരെ വ്യാപക അക്രമങ്ങള്‍ അഴിച്ചുവിട്ടതിനു പിന്നാലെയാണിത്.
