പമ്പ: യുവതികളെത്തി ആചാര ലംഘനം നടത്തിയതിനു പിന്നാലെ വനിതാ മാധ്യമ പ്രവര്ത്തകയും ക്യാമറമാനും ശബരിമലയിലേക്ക് തിരിച്ചു. ടിവി 9 റിപ്പോര്ട്ടര് ദീപിതി വാജ്പേയിയും ക്യാമറാമാനുമാണ് ശബരിമലയിലേക്ക് പുറപ്പെടാനായി പമ്പയില് എത്തിയത്.
ജോലി ആവശ്യത്തിനായി ശബരിമലയിലേക്ക് കടത്തിവിടണമെന്നാണ് ഇവര് ആവശ്യപ്പെട്ടിരിക്കുന്നത്. പോലീസിന്റെ വന് നിരയാണ് ഇവര്ക്ക് സംരക്ഷണത്തിനായി എത്തിയിരിക്കുന്നത്.
ബിന്ദു, കനക ദുര്ഗ്ഗ എന്നിവര് ബുധനാഴ്ച പുലര്ച്ചെ ദര്ശനം നടത്തി ആചാരം ലംഘിച്ചതിനെ തുടര്ന്ന് സംസ്ഥാന വ്യാപകമായി ഇന്ന് ഹര്ത്താല് ആചരിക്കുകയാണ്. അതിനു പിന്നാലെയാണ് വനിതാ മാധ്യമ പ്രവര്ത്തകയും ശബരിമലയില് എത്തണമെന്ന് ആവശ്യപ്പെട്ടിരിക്കുന്നത്.
