കൊച്ചി : മതവികാരം വ്രണപ്പെടുത്തുന്ന തരത്തില് സമൂഹമാധ്യമങ്ങളില് പോസ്റ്റിട്ടെന്ന പരാതിയില് ചേര്ത്തല സ്വദേശിനി ലിബി സെബാസ്റ്റിനെതിരെ കേസെടുത്തു. ചേര്ത്തലയിലെ ഒരു ഓണ്ലൈന് മാധ്യമ പ്രവര്ത്തകരായ രഞ്ജിത്ത്, സിനിക് ശിവന് എന്നിവര്ക്കെതിരേയും കേസെടുത്തിട്ടുണ്ട്. എറണാകുളം സെന്ട്രല് പോലീസാണ് ഇവര്ക്കെതിരെ കേസെടുത്തത്.
പീപ്പിള്സ് ലീഗല് വെല്ഫെയര് ഫോറം വര്ക്കിങ് പ്രസിഡന്റ് സി.എസ്. സുമേഷ് കൃഷ്ണന് സിജെഎം കോടതിയില് പരാതി നല്കിയതിനെ തുടര്ന്നാണ് ഇവര്ക്കെതിരെ കേസെടുത്തത്. സുമേഷ് കൃഷ്ണന് ആദ്യം സെന്ട്രല് പോലീസ് സ്റ്റേഷനില് പരാതി നല്കിയെങ്കിലും അധികൃതര് ആദ്യം ഇത് സ്വീകരിക്കാന് തയാറായില്ല. പിന്നീട് കോടതി നിര്ദ്ദേശത്തെ തുടര്ന്നാണ് കേസെടുക്കുന്നത്.
ലിബി തന്റെ ഫേസ്ബുക്ക് അക്കൗണ്ടിലൂടെ ഹിന്ദുമതത്തേയും അപകീര്ത്തിപ്പെടുത്തുന്ന പോസ്റ്റുകള് നല്കിയെന്നാണ് പരാതി. ഇവരുടെ സുഹൃത്ത് രഞ്ജിത്ത് ഭക്തരെ അപമാനിക്കുന്ന വിധത്തില് ഓണ്ലൈന് മാധ്യമങ്ങളില് വാര്ത്ത നല്കിയെന്നും പരാതിയില് പറയുന്നുണ്ട്. സുപ്രീംകോടതി ഉത്തരവിനെ തുടര്ന്ന് ശബരിമല കയറുന്നതിനായി ലിബിയാണ് ആദ്യം എത്തിയത്.
