ന്യൂദല്ഹി: ഇന്ത്യന് പ്രതിരോധമേഖലയ്ക്ക് കൂടുതല് ശക്തി പകരാന് കെ സീരിസിലെ ലോകത്തിലെ തന്നെ ഏറ്റവും മികച്ച ആയുധമായ കെ 5 ഡിആര്ഡിഒ ഒരുക്കുന്നതായി റിപ്പോര്ട്ടുകള്.
കെ സീരീസിലെ അതിവേഗ മിസൈലായാണ് കെ 5 നെ വിശേഷിപ്പിക്കുന്നത്. കെ-15 മിസൈലിനു 750 കിലോമീറ്റര് വിക്ഷേപണ പരിധിയായിരുന്നു ഉണ്ടായിരുന്നത്. കെ 4 നാകട്ടെ 3500 കിലോമീറ്ററും.
ഒരു ടണ് ഭാരമുള്ള പോര്മുന വഹിയ്ക്കാനാവുന്ന കെ 5 നു അയ്യായിരം കിലോമീറ്ററിലധികമാണ് വിക്ഷേപണ പരിധി.ആണവായുധ പോര്മുന വഹിക്കാനും ശേഷിയുണ്ട്.കടലിനടിയിലെ അന്തര്വാഹിനികളില് നിന്നും വിക്ഷേപിയ്ക്കാന് കഴിയുന്ന വിധത്തിലാണ് മിസൈലിന്റെ രൂപകല്പ്പന.2015 ലാണ് കെ 5 ന്റെ രൂപീകരണത്തിനു പ്രതിരോധ വകുപ്പ് അനുമതി നല്കിയത്. ഇപ്പോള് രൂപകല്പ്പന നടത്തിക്കൊണ്ടിരിയ്ക്കുന്ന ട4 ആണവഅന്തര്വാഹിനിയിലാണ് ഈ മിസൈല് ഘടിപ്പിയ്ക്കുക.
ദിവസങ്ങള്ക്ക് മുന്പ് പരീക്ഷിച്ച അഗ്നി 5 മിസൈലിനു പിന്നാലെയാണ് കെ 5 ഒരുങ്ങുന്നതെന്ന റിപ്പോര്ട്ട് പുറത്ത് വന്നിരിക്കുന്നത്. പാകിസ്ഥാന്, ഇറ്റലി, അഫ്ഗാനിസ്ഥാന്, മലേഷ്യ, തായ്ലാന്റ്, ഇന്തോനേഷ്യ, ഉത്തര കൊറിയ, ദക്ഷിണ കൊറിയ, ജപ്പാന് തുടങ്ങി ഒന്പത് രാജ്യങ്ങള് പൂര്ണ്ണമായും തകര്ക്കാന് കഴിയുന്ന ചൈനയിലെ ഏതു നഗരത്തിലും മിനിട്ടുകള്ക്കുള്ളില് പറന്നിറങ്ങാന് കഴിയുന്ന മിസൈലാണ് അഗ്നി 5.
