ആലപ്പുഴ: കാണികളുടെ കണ്ണ് നനയിച്ച് ദേവിക. എച്ച്എസ് വിഭാഗം മോണോആക്ടില് എ ഗ്രേഡ് നേടിയ ദേവിക സതിലാല് ആണ് വിശപ്പിന്റെ വില പറഞ്ഞ് കാഴ്ചക്കാരെ കൈയിലെടുത്തത്.
ലോകായുക്തയിലൂടെ നേടിയെടുത്ത അപ്പീല് വഴിയാണ് മത്സരത്തിനെത്തിയത്.
വിശപ്പ് സഹിക്കാതെ ഒരു നേരത്തെ ഭക്ഷണം മോഷ്ടിച്ചെന്ന് ആരോപിച്ച് സാംസ്ക്കാരിക കേരളം തല്ലിക്കൊന്ന വനവാസി യുവാവ് മധുവിനെയാണ് വേദിയില് അവതരിപ്പിച്ചത്. എറണാകുളം മലയാറ്റൂര് സെന്റ് തോമസ് എച്ച്എസ്എസിലെ പത്താം ക്ലാസ് വിദ്യാര്ത്ഥിനിയാണ്. കറുകുറ്റി ബിജുവിന്റെ ശിക്ഷണത്തിലാണ് മോണോ ആക്ട് അഭ്യസിക്കുന്നത്. സതിലാല്- ശ്രീമോള് ദമ്പതികളുടെ മകളാണ്.
