കൊല്ക്കത്ത: പശ്ചിമ ബംഗാള് ബിജെപി പ്രസിഡന്റ് ദിലീപ് ഘോഷിന്റെ വാഹനത്തിന് നേരെ തൃണമൂല് പ്രവര്ത്തകരുടെ ആക്രമണം. കൂച്ച് ബെഹാര് ജില്ലയിലെ സിതാല്ക്കുച്ചിയില് വച്ചാണ് ഇദ്ദേഹത്തിന്റെ വാഹനത്തിന് നേരെ ആക്രമണമുണ്ടായത്. ജില്ല നേതൃത്വത്തിന്റെ രഥയാത്രയില് പങ്കെടുക്കുന്നതിനായാണ് അദ്ദേഹം ഇവിടെ എത്തിയത്.
സംഭവത്തിന് പിന്നില് തൃണമൂല് കോണ്ഗ്രസാണെന്ന് ദിലീപ് ഘോഷ് പറഞ്ഞു. ഇത് 10ാം തവണയാണ് തനിക്ക് നേരെ ആക്രമണമുണ്ടാകുന്നത്. തൃണമൂല് കോണ്ഗ്രസ് പ്രവര്ത്തകര് എന്റെ വാഹനം ആക്രമിക്കുകയും, ഇവിടെ നിന്ന് തിരികെ പോകാന് ആക്രോശിക്കുകയുമായിരുന്നുവെന്ന് ദിലീപ് ഘോഷ് പറഞ്ഞു. സംഭവത്തില് പോലീസുകാര് ഇപ്പോഴും നിശബ്ദത പാലിച്ചിരിക്കുകയാണെന്നും അദ്ദേഹം കുറ്റപ്പെടുത്തി.
അതേസമയം സംഭവത്തെക്കുറിച്ച് അന്വേഷിച്ചു വരികയാണെന്ന് പോലീസ് വൃത്തങ്ങള് വ്യക്തമാക്കി.
