കണ്ണൂര്: സംസ്ഥാന സര്ക്കാര് ശബരിമലയില് നടത്തുന്നത് കടുത്ത മനുഷ്യാവകാശ ലംഘനമാണെന്ന് പിഎസ്പി സംസ്ഥാന കമ്മറ്റി അഭിപ്രായപ്പെട്ടു. ശാന്തിയോടെയും സമാധാനത്തോടെയും ക്ഷേത്ര ദര്ശനം നടത്താന് അനുവദിക്കാതെ ഭക്തരെ അറസ്റ്റുചെയ്യലും തടഞ്ഞുവെക്കലും നടത്തി ഭീകരാന്തരീക്ഷം സൃഷ്ടിക്കുകയാണ് ശബരിമലയില് പോലീസ് ചെയ്യുന്നത്.
ദര്ശനത്തിനെത്തുന്ന അയ്യപ്പഭക്തര്ക്ക് ആവശ്യമായ പ്രാഥമിക സൗകര്യങ്ങളും കുടിവെള്ളം, ഭക്ഷണം എന്നിവയും ഏര്പ്പെടുത്താത്തത് കടുത്ത മനുഷ്യാവകാശ ലംഘനമാണ്. സര്ക്കാരിന്റെ കാടത്ത നടപടി ഉടന് പിന്വലിക്കണമെന്ന് പിഎസ്പി ആവശ്യപ്പെട്ടു. ചെയര്മാന് വാഴമുട്ടം രാജേന്ദ്രന് അധ്യക്ഷതവഹിച്ചു. വി.കരുണാകരന് നായര്, മലയം ഉഷാകുമാരി, ശോഭനാ രാജേന്ദ്രന്, ടി.വി.ആനന്ദന് എന്നിവര് സംസാരിച്ചു.
