പത്തനംതിട്ട: പ്രതിഷേധം ശക്തമായതിനെ തുടര്ന്ന് ശബരിമലയില് ദര്ശനത്തിനെത്തിയ ആന്ധ്രപ്രദേശില് നിന്നുള്ള ആറ് യുവതികള് മടങ്ങിപ്പോയി. പോലീസ് നിലവിലെ കാര്യങ്ങള് വിശദീകരിച്ചതോടെയാണ് പന്പ വരെയെത്തിയ സ്ത്രീകള് ദര്ശനം നടത്താതെ മടങ്ങാന് തീരുമാനമെടുത്തത്.
ഇതിനിടെ അയ്യപ്പ ദര്ശനത്തിനായി ശബരിമലയില് യുവതികള് എത്തിയതായി സംശയം ഉണ്ടായതിനെ തുടര്ന്നു നടപ്പന്തലില് പ്രതിഷേധം ഉണ്ടായി. മൂന്ന് സ്ത്രീകളാണ് ഇരുമുടിക്കെട്ടുമായി അയ്യപ്പ ദര്ശനത്തിനായി എത്തിയത്. ഇവര്ക്ക് 50 വയസില് മുകളില് പ്രായമില്ലെന്ന് ചൂണ്ടിക്കാട്ടി പ്രതിഷേധക്കാര് നാമജപ പ്രതിഷേധവുമായി നടപ്പന്തലില് തടയുകയായിരുന്നു.
അതേസമയം ദൃശ്യങ്ങള് പകര്ത്താന് എത്തിയ മാധ്യമ പ്രവര്ത്തകനെ സിപിഎം പ്രവര്ത്തകര് ആക്രമിച്ചതായി റിപ്പോര്ട്ടുണ്ട്.
