മട്ടാഞ്ചേരി: അറബികടലിന്റെ റാണിക്ക് കടല്ത്തീരങ്ങള് നഷ്ടമാകുന്നു. ശക്തമായ കടല്കയറ്റവും രൂക്ഷമായ മണ്ണൊലിപ്പുമാണ് കാരണമെന്നാണ് പഠന റിപ്പോര്ട്ടുകള് വെളിപ്പെടുത്തുന്നത്.
കഴിഞ്ഞ കാല്നൂറ്റാണ്ടിലധികം സംസ്ഥാനത്തെ 40 ശതമാനത്തോളം കടല് തീരം നഷ്ടപ്പെട്ടതായാണ് പഠനം ചൂണ്ടിക്കാട്ടുന്നത്. എറണാകുളം ജില്ലയിലിത് 70 ശതമാനത്തോളം കടല്തീരം നഷ്ടമാകുകയും ചെയ്തു. ജില്ലയിലെ ചെല്ലാനം, ഫോര്ട്ടുകൊച്ചി, പുതുവെപ്പിന്, പള്ളിപ്പുറം, ചെറായി കടപ്പുറങ്ങള് കടല്കയറ്റത്തിന്റെ തീവ്രതയിലാണ്. മാറുന്ന കാലാവസ്ഥയും അന്തരീക്ഷ മലിനീകരണവും കടല്കയറ്റത്തിന് ശക്തി പകരുന്നതായും പറയുന്നു.
കൊച്ചി തീരങ്ങളില് .പ്രതിവര്ഷം 1.86 മില്ലിമീറ്റര് കടല് ജലനിരപ്പ് ഉയരുന്നതായാണ് ജെഎന്യു സംഘം നടത്തിയ പഠനത്തില് പറയുന്നത്. പൈതൃകനഗരിയായ ഫോര്ട്ടുകൊച്ചിയില് മാത്രം 25 വര്ഷത്തിനിടെ 250 ഏക്കറിലെറെ തീരം നഷ്ടപ്പെട്ടതായി മത്സ്യ മേഖലയിലുള്ളവരും പറയുന്നു.കോടികള് മുടക്കിയുള്ള തീരദേശ വികസന പദ്ധതികള് നടപ്പിലാക്കുമ്പോഴാണ് പ്രകൃതി തിരിച്ചടിച്ച് തീരങ്ങളെ കവര്ന്നെടുക്കുന്നത്.
