തിരുവനന്തപുരം: യുഎഇ സന്ദര്ശനം പൂര്ത്തിയാക്കി നാട്ടിലെത്തിയ മുഖ്യമന്ത്രി പിണറായി വിജയന് വിളിച്ചു ചേര്ത്ത വാര്ത്താ സമ്മേളനത്തില് ശബരിമല വിഷയത്തെക്കുറിച്ച് ഒന്നും പറഞ്ഞില്ല. ഇതേക്കുറിച്ച് ചൊവ്വാഴ്ച പറയാമെന്നാണ് മാധ്യമപ്രവര്ത്തകരുടെ ചോദ്യത്തിനു മറുപടിയായി മുഖ്യമന്ത്രി പറഞ്ഞത്.
കേരളം രക്ഷപ്പെടരുതെന്ന കേന്ദ്ര സര്ക്കാരിന്റെ സമീപനം അത്യന്തം അപലപനീയമാണെന്നാണ് പിണറായി പറഞ്ഞത്. കേരളത്തിന്റെ പുനര്നിര്മാണത്തിന് രണ്ടു കൈയ്യുമയച്ചു സഹായിക്കാന് തയ്യാറാണെന്ന് പ്രവാസി സമൂഹവും യുഎഇ ഭരണകൂടവും വ്യക്തമാക്കി. അവരുടെ സ്നേഹവായ്പുകള് വളരെ വലുതാണ്. വലിയ തുക അവിടെ നിന്ന് ലഭിക്കുമെന്ന് ഉറപ്പായിട്ടുണ്ടെന്നും പിണറായി പറഞ്ഞു.
അതേസമയം, വിഷയത്തില് സുപ്രീംകോടതിയെ നിയമപരമായി ഏതുതരത്തില് സമീപിക്കണമെന്ന കാര്യത്തില് സംസ്ഥാന സര്ക്കാരിന്റെ തീരുമാനം ഇന്നുണ്ടായേക്കും. മുഖ്യമന്ത്രിയുമായി ചര്ച്ച ചെയ്തശേഷം ദേവസ്വം ബോര്ഡ് സുപ്രീംകോടതിയില് ഫയല് ചെയ്യേണ്ട വിഷയത്തില് തീരുമാനമെടുക്കും.
