കണ്ണൂര്: പ്രളയം മൂലം ആഗസ്റ്റില് ചില എംപ്ലോയ്മെന്റ് എക്സ്ചേഞ്ചുകള് പ്രവര്ത്തിക്കാന് കഴിയാത്ത സാഹചര്യമായതിനാല് എംപ്ലോയ്മെന്റ് രജിസ്ട്രേഷന് അധിക യോഗ്യത എന്നിവ ഓണ്ലൈനായി ചേര്ത്തത് വെരിഫിക്കേഷനായി ഹാജരാകുന്നത്, പുതുക്കല്, വിടുതല്, ജോലിയില് പ്രവേശിക്കാത്തതു സംബന്ധിച്ച സര്ട്ടിഫിക്കറ്റ് ചേര്ക്കല് എന്നിവയുടെ സമയപരിധി ഒരു മാസം ദീര്ഘിപ്പിച്ചു. അതുപ്രകാരം രജിസ്ട്രേഷന് കാര്ഡില് ജൂണ് 2018, ജൂലൈ 2018, ആഗസ്റ്റ് 2018 എന്നീ മാസങ്ങളില് പുതുക്കല് രേഖപ്പെടുത്തിയവര്ക്ക് യഥാക്രമം സെപ്റ്റംബര് 2018, ഒക്ടോബര് 2018, നവംബര് 2018 എന്നീ മാസം വരെ പുതുക്കാവുന്നതാണെന്ന് ജില്ലാ എംപ്ലോയ്മെന്റ് ഓഫീസര് അറിയിച്ചു. പട്ടികജാതി പട്ടികവര്ഗ വിഭാഗങ്ങള്ക്കും ഈ തരത്തില് ഗ്രേസ് പീരിഡ് (ഒരു വര്ഷത്തിന് പുറമെ ഒരു മാസം അധികം) അനുവദിച്ചു നല്കുന്നതാണ്. ഓണ്ലൈന് ആയി രജിസ്ട്രേഷന്, അധികയോഗ്യത എന്നിവ ചേര്ത്ത് ഈ കാലയളവില് പരിശോധനക്കായി ഹാജരാകേണ്ട ഉദ്യോഗാര്ഥികള്ക്കും രജിസ്ട്രേഷന് നേടി 60 ദിവസം വരെ എന്നുള്ളതില് 30 ദിവസത്തെ അധിക സമയം കൂടി (ആകെ 90 ദിവസത്തെ സമയം) അനുവദിച്ചിരിക്കുന്നു. രജിസ്ട്രേഷന് കാര്ഡ് നഷ്ടപ്പെട്ടവര്ക്ക് ഡ്യൂപ്ലിക്കേറ്റ് കാര്ഡ് നല്കുന്നതുമാണ്. ഇത് സംബന്ധിച്ച് ഉദ്യോഗാര്ത്ഥികള് ബന്ധപ്പെട്ട എംപ്ലോയ്മെന്റ് എക്സ്ചേഞ്ചുകളില് ഹാജരാകേണ്ടതാണ്.
എംപ്ലോയ്മെന്റ് രജിസ്ട്രേഷന്: തീയതി നീട്ടി
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.