ശ്രീനഗര്: കാശ്മീരില് ഈദ് ആഘോഷങ്ങള്ക്കിടയില് ഭീകരര് തെരുവുകളിലൂടെ പാക് പതാകയും ഇസ്ലാമിക് സ്റ്റേറ്റ് പതാകകളുമായി പ്രകടനം നടത്തി. പള്ളിയിലെ ഈദ് പ്രാര്ത്ഥനകള് അവസാനിച്ചതിന് പിന്നാലെ നടത്തിയ പ്രകടനത്തില് രാജ്യവിരുദ്ധ മുദ്രാവാക്യങ്ങള് വിളിക്കുകയും പോലീസുമായി ഏറ്റുമുട്ടലുണ്ടാവുകയും ചെയ്തു.
അക്രമികള് നടത്തിയ കല്ലേറില് സുരക്ഷാ ഉദ്യോഗസ്ഥര്ക്ക് പരിക്കേല്ക്കുകയും ഒരാള് കൊല്ലപ്പെടുകയും ചെയ്തു. ബിജെപി പ്രവര്ത്തകനായ ഷബീര് അഹമ്മദ് ഭട്ടാണ് കൊല്ലപ്പെട്ടത്. ബുധനാഴ്ച പുലര്ച്ചെയായിരുന്നു സംഭവം. ഭട്ടിനെ അദ്ദേഹത്തിന്റെ വീട്ടിലെത്തിയായിരുന്നു ഭീകരര് കൊലപ്പെടുത്തിയത്. സംഭവത്തില് കൂടുതല് അന്വേഷണം പുരോഗമിക്കുകയാണ്.
കല്ലേറുകള് ഇന്ന് ജമ്മുകാശ്മീരില് നിത്യസംഭവമായി മാറിക്കൊണ്ടിരിക്കുകയാണ്. പ്രതിരോധമന്ത്രി നിര്മ്മലാ സീതാരാമനും സംഭവത്തില് അപലപിച്ചിരുന്നു.
