മട്ടന്നൂര്: മട്ടന്നൂരില് എന്എസ്എസ് കരയോഗത്തിന്റെ നേതൃത്വത്തില് നടത്തിയ രാമായണ മാസാചരണത്തിന്റെ ഭാഗമായി ചെറുതും വലുതുമായി വൈവിധ്യമാര്ന്ന 110 രാമായണങ്ങള് പ്രദര്ശിപ്പിച്ചു. മണത്തണ സ്വദേശി സി.പദ്മനാഭന്റെ അപൂര്വ്വ ശേഖരമാണ് വൈവിധ്യ രാമായണങ്ങള്. പ്രദര്ശനം എന്എസ്എസ് യൂണിയന് പ്രസിഡണ്ട് എം.പി.ഉദയഭാനു ഉദ്ഘാടനം ചെയ്തു. വി.വി.എം.അനന്തക്കുറുപ്പ് അധ്യക്ഷത വഹിച്ചു. പി.കെ.ഹരിദാസന് മാസ്റ്റര് ക്ലാസ്സെടുത്തു. ഡോ.ജി.കുമാരന് നായര്, കെ.വി.ജയചന്ദ്രന്, സി.പദ്മനാഭന് എന്നിവര് സംസാരിച്ചു. കമ്പരാമായണം, രാമചരിതമാനസം, രാമായണം ചമ്പു, രാമചരിതം, രാമായണം 24 വൃത്തം, കുട്ടികളുടെ രാമായണം, മുത്തശ്ശി രാമായണം, ബാലരാമായണം, ഗായത്രി രാമായണം, മാപ്പിള രാമായണം, വയനാടന് രാമായണം തുടങ്ങിയവ പ്രദര്ശനത്തിലുണ്ടായിരുന്നു. രാമായണത്തിലെ പ്രധാന സംഭവങ്ങളെ ആസ്പദമാക്കി വരച്ച 80 ചിത്രങ്ങള്, രാമായണം വായിക്കാത്തവരെ ആകര്ഷിക്കുന്നതിനായി രാമായണത്തിന്റെ ലളിത പുസ്തകങ്ങള്, 200 വര്ഷം പഴക്കമുള്ള താളിയോലകള്, ഡിസി ബുക്സ് പുറത്തിറക്കിയ പോക്കറ്റ് രാമായണം, തായ്ലന്റ്, ഇന്തോനേഷ്യ, ലാവോസ് എന്നീ രാജ്യങ്ങളില് പ്രചാരത്തിലുള്ള രാമായണത്തിലെ കഥാപാത്രങ്ങളുടെ ചിത്രങ്ങള് ആലേഖനം ചെയ്ത് പുറത്തിറക്കിയ സ്റ്റാമ്പുകള് എന്നിവയും പ്രദര്ശനത്തിലുണ്ടായിരുന്നു.
രാമായണങ്ങള് പ്രദര്ശിപ്പിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.