ലണ്ടന്: ഇന്ത്യന് ക്രിക്കറ്റ് ടീം മുഖ്യ പരിശീലകന് രവി ശാസ്ത്രിക്കെതിരേ രൂക്ഷ വിമര്ശനവുമായി ഹര്ഭജന് സിങ്. ഇന്ത്യയുടെ തോല്വിക്ക് കാരണക്കാരന് ശാസ്ത്രിയാണ്. ലോര്ഡ്സ് ടെസ്റ്റിലെ ഇന്ത്യയുടെ നാണംകെട്ട തോല്വിക്ക് ശാസ്ത്രി മറുപടിപറയണമെന്ന് മുന് ടെസ്റ്റ് സ്പിന്നറായ ഹര്ഭജന് സിങ് ആവശ്യപ്പെട്ടു.
ഇന്ന് അല്ലെങ്കില് നാളെ ശാസ്ത്രി ഈ തോല്വിക്ക് എല്ലാവരോടും മറുപടി പറയണം. ഇന്ത്യ പരമ്പര തോല്ക്കുകയാണെങ്കില് ശാസ്ത്രി നേരത്തെ പറഞ്ഞതൊക്കെ വിഴുങ്ങി, സാഹചര്യങ്ങള് കളിയില് കാര്യമായ മാറ്റങ്ങള് വരുത്തുന്നുവെന്ന് തുറന്ന സമ്മതിക്കാന് തയ്യാറാകണം- ഹര്ഭജന് പറഞ്ഞു.
ഇന്ത്യന് ടീമിന് ആരെയും പേടിയില്ല. ഞങ്ങള്ക്ക് ഓരോ മത്സരവും നാട്ടിലെ മത്സരംപോലെയാണ്. എതിരാളികളോടല്ല ഞങ്ങള് പിച്ചിനോടാണ് പൊരുതുന്നത്. പോകുന്ന സ്ഥലത്തൊക്കെ പിച്ചിനെ തോല്പ്പിക്കുകയാണ് ഞങ്ങളുടെ ജോലിയെന്ന് ഇംഗ്ലണ്ടിലേക്ക് പുറപ്പെടുംമുമ്പ് രവി ശാസ്ത്രി പറഞ്ഞു.
