ചിറക്കല്: ചിറക്കല് ഗ്രാമപഞ്ചായത്ത് ആധുനികവത്കരണത്തിന്റെ ഭാഗമായി വോയ്സ് ബ്രോഡ്കാസ്റ്റിംഗ് സംവിധാനത്തിലൂടെ വികസന പ്രവര്ത്തനങ്ങള്, ക്ഷേമപദ്ധതികളുടെവിവരങ്ങള് തുടങ്ങിയവയെല്ലാം തത്സമയം പഞ്ചായത്ത് പരിധിയിലെ പൊതുജനത്തിന് ഫോണുകളില് എത്തും. മൊബൈല് ഫോണിലും ലാന്റ്ഫോണിലും ശബ്ദ സന്ദേശമായാണ് ഗ്രാമസഭ, പഞ്ചായത്തിന്റെ നേതൃത്വത്തില് നടക്കുന്ന വിവിധ യോഗങ്ങള്, പൊതുപരിപാടികള്, നികുതി സംബന്ധിച്ച അറിയിപ്പുകള്, പഞ്ചായത്ത് പരിധിയിലെ അടിയന്തിര സാഹചര്യങ്ങളെ പറ്റിയുള്ള മുന്നറിയിപ്പുകള് ഉള്പ്പെടെയുള്ള ഔദ്യോഗിക വിവരങ്ങള് ലഭ്യമാക്കുക.
വീടില് നിന്നും ഒരാള് എന്ന കണക്കില് പതിനാറായിരത്തോളം ഫോണ് നമ്പറുകളില് പഞ്ചായത്ത് പരിധിയിലെ ആളുകള്ക്ക് പഞ്ചായത്തിലെ വിവരങ്ങള് എത്തിക്കാനുള്ള സംവിധാനമാണ് ഒരുക്കിയത്. ഇതിനായി എല്ലാ വാര്ഡുകളില് നിന്നും ജനങ്ങളുടെ ഫോണ് നമ്പറുകള് ശേഖരിച്ചിരുന്നു. വോയ്സ് ബ്രോഡ്കാസ്റ്റിംഗ് സംവിധാനം ചിറക്കല് ഗ്രാമപഞ്ചായത്ത് ഹാളില് നടന്ന ചടങ്ങില് കെ.കെ.രാഗേഷ്. എംപി ഉദ്ഘാടനം ചെയ്തു. പഞ്ചായത്ത് പ്രസിഡന്റ് സോമന് അധ്യക്ഷത വഹിച്ചു.
